Taian Areru 71:5 - Te B'aib'ara

⁵ Te UEA ae ko tautaeka, e tiku au kaantaninga iroum; I mwioko iroum ma ngke te kairake ngai.

Taian Areru 71:5 ပူးပေါင်းရင်းမြစ်များ

1.Uea 18:12

Tera ngke E waekoa n anaiko Tamnein te UEA n te tai are I kitaniko naba iai? B'a ngkana e roko Aaba n anaiko ao ko na bon aki reke i rouna. Ao ane e na manga bon tiringai. I bon tataromauria te UEA mangke te ataeinim'aane ngai.

2.Rongorongo 34:3

Ngke ai tib'a tebwi ma onoua ana ririki ni maiu Iotia ao e a moana taromaurian te Atua, n aron are e a tia ni karaoia ana bakatibu are Tawita. Aua te ririki i mwiina, e a baaireia b'a e na urui baangotan te aba i Iuta ao i Ierutarem, ao ai uana naba ma taian boua aika a tabu i bukin taromaurian te anti te aine are Nei Atera ao bouanantin antiia ianena.

Taian Areru 119:166

Te UEA, I kaantaninga kamaiuakiu iroum; Ao I tou mwin am Tua.

Taian Areru 119:81

I a kua n tataningaiko b'a Ko na kamaiuai; I mwiokoa am Taeka.

Taian Areru 13:5

I onimakina am Tangira, ao I rangi ni kimarimari iai b'a ko bon otanganai.

Taian Areru 39:7

Te Uea, tera ae I kantaningaia? E mena au kaantaninga iroum.

Taian Areru 42:11

E aera ngkae e rawaawata nanou? I aera ngkai I aki rau? N na kaantaninga te Atua, ao N na manga neboia: B'a bon au tia kamaiu ao Atuau.

Taian Areru 71:17

Te Atua, Ko reireiai ma ngke te teei ngai; Ao I teimatoa ni kakarakin taekan am M'akuri aika Kamimii ni karokoa ngkai.

Te Minita 12:1

Ururinga am Tia Karikib'ai mangkai ko uarereke! Ane ko na kaangai n ririki aika a na roko ngkana ko taonaki n te kaangaanga, “Bon akea kukureiu n te maiu aei.”

Ieremia 14:8

Bon ti Ngkoe ara kaantaninga; bon ti Ngkoe are ko konaa ni kamaiura ngkai. Ko buokiira n te bong teuana, ma Ko a manga aki n te bong are i mwiina.

Ieremia 17:13

Bon te koburake n ran Ngkoe ae e anganiia Iteraera te maiu ma te kaantaninga. Ma ngkana a aki kubara te b'ai ae Ko taekinna aomata ao a na kamaunaaki nako kaanga taian taeka aika a koreaki i aon te tano.

Ieremia 17:17

I onimakiniko i bukin te katantan i nanon tain te kangaanga, ma ngaia ae, Ko na aki kakamaakai.

Ieremia 17:7

Ma N na kakab'aiaia akana a onimakinai

Ieremia 50:7

Boni Ngai ami tabo n uteute, te tabo teuana are e anga te kaantaninga nako ia ami bakatibu. Ma kam kiitanai, ma ngaia are, ngkana kam reke irouia ami kairiribai, ao bon akea aia bure iai ngkana a kab'autingkami.

Ruka 2:40

Ao E rikirake te teei n ikawai ao ni marurung rab'atana; E on n te wanawana, ao E memena i aona ana kakab'aia te Atua.

I-Rom 15:13

Ao te Atua are e riki mai Rouna te kaantaninga, E na kaon nanomi n te kim'areirei ni kabanea ma te rau i bukina ngkai kam onimakinna, b'a e aonga n teimatoa ami kaantaninga ni m'aakan te Tamnei are Raoiroi.

2.Timoteo 3:15

ao ko ataia b'a ma ngke te merimeri ngkoe ao ko a kaman ata te B'aib'ara ae tabu, b'a e kona ni kawanawanako ma ni kairiko nakon te kamaiuaki are reke n onimakinani Kristo Iesu.

1.Tamuera 16:13

Ao e atoa te b'a Tamuera i aon atuun Tawita ngke a bon tabe ni mataku tarina nako. Ao n te tai anne, E niniia Tawita Tamnein te UEA ao E moana tikuna i rouna man te tai anne. Ao e oki Tamuera nakon ana auti i Ram'a.