Taian Areru 71:21 - Te B'aib'ara

²¹ Ko na karakaa karineau; Ko na manga kakukureiai riki.

Taian Areru 71:21 ပူးပေါင်းရင်းမြစ်များ

2.Tamuera 3:1

Bon moanan te buaka ae e anaanau te buaka aei imarenaia ake a tei i bukin Tauro ma ake a tei i bukin Tawita. E rikirake ni mamaara korakoran Tauro, ma e rikirake ni buubura m'aakan Tawita.

Taian Areru 18:35

Boni Ngkoe otangau ao au Tia kamaiu; I a riki ni kakannato i bukin am Buobuoki nako iu; Ao I kawakinaki man te kabuanib'ai ni m'aakam.

Taian Areru 23:4

Ngkana tao I nakonako i nanon m'aruan nuun te mate, ao N na bon aki maaku, te UEA b'a Ko meemena i rarikiu. Am kai ao okom a kawakinai raoi man taian kabuanib'ai.

Taian Areru 32:10

Ane a na taonaki n te rawaawata aomata akana buakaka; Ma a na kawakinaki raoi akana onimakina te UEA n ana tangira ae teimatoa.

Taian Areru 72:11

Ane a na bane uea ni bobaraaki i matana ni karinea; Ao ane a na bane n toro i rouna botannaomata.

Taian Areru 86:17

te UEA, Ko na kaota nako iu kakoauan am Raoiroi; Ane a na mamaa akana ribaai ngkana a nora ae Ko anganai kabebeteau ma buokau.

Itaia 12:1

Ko na kaangai n te tai arei. “I kaaitauko te UEA! ko un ngkoa irou, ma e a toki unim ao ko a anganai te mweraoi.

Itaia 49:13

Tuangiia taiani karawa ao aonnaba b'a a na anene ni kukurei; tuangiia taiani maunga b'a a na ira buakon te anene. A tia ni karawawataaki ana Aomata te UEA ma E a tia ni kaota ana akoi ao e anganiia te mwengaraoi.

Itaia 49:6

Ao ngkai E taku te UEA nako iu “E aki tau nakoim am m'akuri ae ti au toro ngkoe. Ko na riai naba ni karaoa ae e m'aiti riki nakon anne ni kaokiia ake nikira ni maiu man barongan nako Iteraera. I a tia ni kaakiko ikai b'a kaanga te taura i bukiia botannaomata nako; ko na riai n anaa m'aakau ni kakamaiu nakoia aomata nako n te aonnaba.”

Itaia 9:7

E na aki tootoki m'aakana; e na akea tokin te raoi. E na tautaeka n abanuean Tawita ao e na kakorakoraa. E na tautaeka n taai nako ma te raoiroi ao te eti. E na bon kakoaua raoi te UEA ae Moan te M'aaka b'a a na koro nanon baikai.

2.I-Korinto 2:14

Ma e na katituaraoaki te Atua, are Ngaia ae aki toki ni kairira irouni Kristo n te m'aati n tokanikai; ao E kabonganaira ngaira aika taani kabuta ataakini Kristo nakon taabo nako b'a kanga ai aron te boi ae boiarara.

2.I-Korinto 7:13

Ma ngaia ae a karauaki nanora. Ao i rarikin raun nanora aei, ao e a kabatiaki riki kakatongara ni kakatongan Tito, i bukina ngke e a tia ni karauaki tamneina i roumi ni kabaneingkami.

2.I-Korinto 7:6

Ma te Atua are karau nanoia akana b'ara nanoia E karau naba nanora n rokon Tito.

1.I-Tetaronike 3:9

B'a tera katituaraoan te Atua ae ti kona n anganna i bukimi, i bukin te kim'areirei ni kabanea ae ti kim'areirei iai i bukimi i matan te Atua?

Te Kaotioti 11:15

Ao e katanga ana bu te anera are te kaitiman; ao b'anaa aika korakora i karawa a kaangai, “Ana b'ai ara Uea ma ara Kristo te m'aaka n tautaeka i aonnaba; ao ane E na uea n aki totoki.”