Taian Areru 71:20 - Te B'aib'ara

²⁰ Ko a tia ni karoko kaangaanga i aou ma baika I a tia ni karawaawataaki iai, Ma Ko na manga kaoka nako iu marurungiu; Ko na kawakinai man te ruanimate.

Taian Areru 71:20 ပူးပေါင်းရင်းမြစ်များ

2.Tamuera 12:11

Ane e na iai mai buakoia am utu ae e na karika te kanganga ae e korakora nakoim, ao N na anaiia buum ma n anga nakon te m'aane temanna i bon i matam. Ane e na matu ma ngaiia ngke a bon matakuakinaki irouia.

Taian Areru 119:25

I a kani mate: kamaiuai, n ai aron am Taeka.

Taian Areru 138:7

Ngkana a otab'aniniai taiani kaangaanga, ao Ko boni kakaawakinai. Ko ekianako nako taan ribaai ngkana a un, ao Ko kamaiuai ni m'aakam.

Taian Areru 16:10

i bukina b'a Ko kaawakinai man m'aakan te mate. I a tia ni m'akuri i bukim ma te kakaonimaki, ao Ko aki kiitanai i abaia maate.

Taian Areru 60:3

Ko a tia ni karaoa ae a na rangi ni kainano iai am Botannaomata; Ti bebebebe n ai aron ae ti manging.

Taian Areru 60:5

Ko na kamaiura ni m'aakam; ao ongo ara bubuti, b'a a aonga ni kamaiuaki aika tangiraki iroum.

Taian Areru 80:18

Ao ti na aki tan nako iai mairoum; Kamaiura, ao ti na neboiko.

Taian Areru 85:6

Ko na manga kakorakoraira, ao ngaira, aika am Botannaomata, ti na neboiko.

Taian Areru 86:13

Ai batiraa am Tangira nako iu! Ko a tia ni kamaiuai ngke N nangi mate.

Taian Areru 95:4

E taua taekan aonnaba, man taabo aika rangi n nano ni karoko aoni maunga aika rangi n ririeta.

Itaia 26:19

A na manga maiu am aomata! Tuangiia b'a a na kiitan ruanimateia ao a na kukurei ni bukamaru ma n takaarua. Ko kabooua te aonnaba kaanga aoin te ingabong; ko anga te maiu nakon te mate.

Itaia 38:17

A roko taai aika a matoatoa n aron aikai i bukin iangoan arou. Ma e kaawakinai am tangira man te kabuanib'ai i nanon te m'anono ae e nano, ao Ko aki kubari au bure nako.

Iona 2:6

I ruo nakon wakaan maunga, nakon te aba are e kainaki mataroana n aki toki. Ma ngkoe, te UEA ae Atuau, Ko tabekai rake mai nano ma te maiu.

Mareko 15:34

Ngke e bo tenua, ao E takarua Iesu n te b'ana ae korakora, ao E kangai, “Eroi, Eroi, ram'a tab'aketani?” ae nanona, “Atuau, Atuau, e aera ngkai Ko kitanai?”

M'akuri 2:24

ma E a manga kamaiua te Atua ao E kainaomata man te mate: b'a E aki konaaki n tauaki Iesu ni m'aakan te mate.

I-Ebeto 4:9

Ao tera nanon ae E rierake? Iai nanona ti ngkana E a tia n ruo moa nakon taabo i nano i aan te aba.

Te Kaotioti 7:14

Ao I taku nakoina, “Teuae ko karineaki i rou, ko bon ataiia.” Ao e kaangai nako iu, “Aomata aikai ake a butaki nako mai aan te rawawata are korakora, ao a teboki aia kunnikai ake a m'am'arai ao a kamainainai n raraan te Tiibuteteei.

1.Tamuera 2:6

Ko anaa te maiu, ao ko anga te maiu. Ko kab'akaia aomata nako abaia maate ao Ko a manga kaokiia.