Taian Areru 7:9 - Te B'aib'ara

⁹ Bon te Atua ae ko raoiroi ngkoe ae ko motiki taekan ara iango ma nanora. Katoki aia m'akuri aomata aika buakaka ao kakab'aiaia akana a kaakaraoa ae e raoiroi.

Taian Areru 7:9 ပူးပေါင်းရင်းမြစ်များ

Karikani B'aai 20:5

E bon taku Aberaam b'a m'anena, ao e bon taku naba neiei. Ao I karaoa aei ma nanou ae itiaki, ao bon akea te b'ai ae I a tia ni karaoia.”

1.Uea 8:32

Ko na ongora mai karawa ao karaoa am babaaire i aoia b'a antai ae e bure. Ao Ko na katuaaea te tia bure ao ni kainaomata teuare akea ana bure.

1.Rongorongo 28:9

Toromon ae natiu te m'aane, kona riai n taromauria te Atua ao ongotaeka i rouna ma nanom ni kabane ma am iango, n aron are I a tia ni karaoia. E atai am iango ni kabane ao bukin karaoan b'aai iroum, ao ngkana ko tang nakoina, ao E na ongo am tataro nako. Ma ngkana ko aki kubariia, ao e na bon aki tabeakiniko n aki toki.

Taian Areru 10:15

Urubekea m'aakan ane buakaka; ao katauaea i bukin te buakaka ake e karaoi ni karokoa e toki mani karaoana.

Taian Areru 10:18

Ko na ongo tangiia ni kani buokaki akana kananoanga ma akana akea aia karo; ao Ko na nanoangaiia n am Babaaire nako, b'a e aonga n toki aia m'akuri taani bangaomata.

Taian Areru 11:5

E neneri aroia aomata aika raoiroi ma aika buakaka; ao E ribaia taani kakiriwe ma nanona ni koaua.

Taian Areru 139:1

Te UEA, Ko a tia ni kekera nako arou ao Ko ataai.

Taian Areru 17:3

Ko ataa nanou; Ko a tia ni kawarai n te bong; Ko a tia n nenera arou ao akea te nano ae buakaka irou. E a tia n au iango b'a n na bon aki tataekina te kewe.

Taian Areru 18:21

I a tia n ongeaba nakon ana tua te UEA; Ao I tuai ni bure, n tan nako mairoun Atuau.

Taian Areru 26:2

Te UEA, Ko na nenera nako arou, ao kataai; b'a tera nanou ma au iango.

Taian Areru 35:23

Te UEA, kauti matam, ao buokai; Tei rake, te Atua ae au Uea, ao taetae i buku.

Taian Areru 37:23

Ngkana e karaoa ae E tangiraki iroun te UEA te aomata, ao E na anganna te kona ni waaki ni maiuna ma te ninikoria.

Taian Areru 40:2

E katikai rake man te kinono ae kamaamate, mai nanon te bokaboka ae nimnim. E kateai raoi i aon te b'a, Ao E kanakonakoai raoi.

Taian Areru 43:1

Te Atua, Ko na kaota ae I eti, Tei i buku ni kaitarai bukinau irouia aomata aika akea karineam irouia; Kamaiuai mairouia aomata aika m'am'anaa te aba, aika babakanikawai.

Taian Areru 44:21

Ao Ko na kamani kunea: b'a Ko atai nanora aika raba.

Taian Areru 58:6

Te Atua, Ko na uru wiia raian aika unun aikai.

Taian Areru 9:9

Bon te tabo ni kamaiu te UEA i bukiia akana a karawaawataaki, ao bon te nne ni kamanomano ni bongin te rawaawata.

Taian Areru 96:10

Kam na kaangai nakoia botannaomata nako, “E uea te Atua! E tei n nene ni nena aonnaba n aki kona ni kam'aingaki; E na motiki taekaia botannaomata ma te eti.”

Taian Areru 96:13

Ngkana E roko te UEA n taua taekan aonnaba. E na tautaekaniia aomata nako i aonnaba n te eti ma te aki nanonano.

Taian Areru 98:9

I bukina b'a E roko n tautaekana te aba. E na tautaeka i aoia aomata nako i aonnaba n te eti ma te aki nanonano.

Ieremia 11:20

I tataro nakon te UEA ni kaangai, “Te UEA ae Moan te M'aaka, Ko bon kaakaraoa ae e raoiroi, ao Ko atai iango ni kabane. Ma ngaia are, I onimakiniko b'a ko na buokai n irataangau.”

Ieremia 17:10

Ma I atai baika kam a tia ni karaoi ma ami iango ao I kakoaua raoi b'a e na reke nako imi te b'ai are kam bon kaantaningaia.

Ieremia 20:12

Te UEA ae Moan te M'aaka, Ko kataia akana a karaoa ae e raoiroi, ao Ko atai naano ao iango ni kabane. I a tia n tuangko ngurengureu nako, ngaia ae N na matakuakiniko ngkana Ko a irataangau nako ia au kairiribai nako.

Taniera 11:45

Ane e na katea ana um'anrianna n uea ae e korakora i marenan taari ma te maunga n te tabo are e tei iai te Tembora. Ma ane e na mate, ao bon akea temanna ae e na buokia.”

M'akuri 12:23

Ao e oreaki n te tai naba arei Erote iroun ana anera te Atua, b'a e aki angan te Atua te neboaki; ao e rangi ni baki rab'atana b'a e m'ata nanona, ao e mate n tokina.

I-Rom 16:25

Ti na neboa te Atua! B'a E kona ni kateimatoaingkami n te euangkerio are I tataekinna, are rongorongon Iesu Kristo, ao ni kaotiotan te baere raba are karabaki ma ngkoa i nanon rooro ma rooro;

1.I-Tetaronike 3:13

b'a E na kateimatoai nanomi, b'a a aonga n itiaki ma n akea kabuakakakiia i matan Atuara ae Tamara, ngkana E roko ara Uea are Iesu ma ana aomata aika itiaki ni kabaneia.

1.Betero 5:10

Ao te Atua are mai Rouna te akoi ni kabane, ae weteingkami nakon neboakina ae aki toki ngkai kam reitaki ma Kristo, E na karaoingkami b'a a na nako raoi aromi i mwini marakimi n te tai ae aki maan, ao E na kateimatoaingkami ma ni kakorakoraingkami ma ni kamatoatoaingkami

Iuta 1:1

Mairoun Iuta, ae ana toro Iesu Kristo, ae tarin Iakobo, nakoia akana weteaki, akana tangiraki iroun te Atua ae te Tama, akana kawakinaki i bukin Iesu Kristo:

Te Kaotioti 2:23

ao N na kamateia natin neierei, ao ane a na bane ekaretia n ataai b'a te tia tirotiroi naano ma iango aika raba Ngai; ao N na anganingkami n tatabemaningkami nako booni mwin ami m'akuri.

1.Tamuera 16:7

Ma E taku te UEA nako ina, “Tamuera, ko na tai taku b'a ngaia ae na rineaki i bukina ngke a ab'ab'aki ao e botonim'aane. Bon tiaki ngaia ae rineaki. A karaoa aia rinerine aomata man tarakiia, ma I karaoa Au rinerine ma taraan nanoia.”

1.Tamuera 2:9

Ko kaawakiniia am aomata aika kakaonimaki ma ni kabane aika buakaka a na mate i nanon te rotongitong. Ti aki kona n tokanikai ni bon oin korakorara.