Taian Areru 69:21 - Te B'aib'ara

²¹ Ngke I baki, ao a anganai te am'arake ae kanga e kaboitinaki; Ngke I taka, ao a anganai te moi ae mao ae kamangingi.

Taian Areru 69:21 ပူးပေါင်းရင်းမြစ်များ

Te Minita 4:1

I a manga taratara nako riki, ao I nooriia aomata aika a karaoaki ae a aki riai nakoia ni kabutaa te aonnaba. A tang, ma bon akea temanna i rarikiia ae e kona n anga te karaunano nakoia, ao te koraki ake a karaoa ae e aki raoiroi nakoia bon aomata aika iai te m'aaka irouia.

Ieremia 23:15

Kam a tia ngkami aika burabetin Ierutarem ni kabutaa nako te aoraki nakon taabo nako. Ao bon anne bukina ngkai I berita Ngai ae te UEA b'a N na anganingkami te boitin ae moan te korakora b'a kam na kanna ma n nimma.

Ieremia 8:14

A taku i bon irouia kaain Iuta, “Ao tera ae ti a tataningaia? Ti riai ni biri rikaaki nakon kaawa ake iai ooia ma ni mate ikekei. Ti a tia ni kakaitaraa te UEA, ao motikan taekara bon te tiringaki ni kamooaki n te boitin.

Ieremia 9:15

Ma ngaia are, I berita Ngai ae te UEA ae Moan te M'aaka, ae Atuaia Iteraera, b'a N na kaboitiniia ni kaam'arakeia ma ni kamooia.

B'aeb'aeti 1:2

E tangi ni korakai n te tairiki koraki, ma ranni matana i aon tabana. akea temanna i buakoia raoraona ae kona ni karaua nanona; Aaba ake a itabon ngkoa ma ngaia a manga riki b'a ana kairiribai.

B'aeb'aeti 1:9

Moan te oota raoi barekarekana, ma e aki tabe ma te b'ai are e riki nakoina. E rangi ni kaakaiaki b'akana; akea ae konaa ni buokia. E a tang nakon te Atua b'a E na buokiia ngke e a tokanikai ana kairiribai i aona.

Mataio 27:34

Ao a angan Iesu te wain, ae renganaki ma te b'ai ae mao. Ma ngke E katongnga teutana, ao E aki kan nimma.

Mataio 27:48

Ao temanna i buakoia e biri ngkekei naba n anaa te tib'anti, ao e katibua n te wain ae kamangingi, ao e kaki i tabon te kai, ao e anganna b'a E na moi iai.

Mareko 15:23

N rokoia ikekei, ao a anganna te wain ae renganaki ma te muura; ma E aki nimma.

Mareko 15:36

Ao e biri temanna ao e kateboa te tib'anti n te wain ae kamangingi, ao e katekea i tabon te kai, ao e angan Iesu b'a E na moi iai; ao e taku, “Ti na kaantaninga, ao ti na mataku b'a tao e na roko Eria ni karuoa.”

Ruka 23:36

A kakanikoa naba tautia, ao a nako Ina n anganna te wain ae kamangingi,

Te Tua-Kaua 29:18

Ma ngaia are, kam riai ni kakoaua raoi b'a a bon kakaonimaki kaain ami baronga nako nakon te UEA ma n aki tataromauri bouanantin botannaomata tabeua. Ngkana iai mai roumi ae taromauri taian bouananti, ao kam na riki b'a kaanga wakaan te aroka ae rangi ni mao, ma ni kamaamate uaana.