Taian Areru 69:16 - Te B'aib'ara

¹⁶ Te UEA, Ko na ongo irou, n raoiroin am Tangira ae teimatoa; Ko na tanimai nako iu ni m'aitin am Nanoanga!

Taian Areru 69:16 ပူးပေါင်းရင်းမြစ်များ

Taian Areru 106:45

E uringa ana boraraoi i bukiia, ao E bita nanona n nanoanga n ai aroni m'aitin ana ataataiaomata;

Taian Areru 109:21

Ma Ngkoe, ae te UEA ae te Uea, buokai ngkai bon anne arom, Ao kamaiuai i bukin raoiroin am Tangira.

Taian Areru 18:5

A otab'aniniai kakamakun te mate, ao e katauraoa ana b'ai ni kam'am'ane te mate i m'aiu.

Taian Areru 25:16

Te UEA, tani mai nako iu, ao nanoangaai, B'a I maroaa ao I kananoanga.

Taian Areru 26:11

Ma ngai, I karaoa ae eti; Nanoangaai, ao kamaiuai!

Taian Areru 36:7

Te Atua, ai kakawakira am Tangira ae Teimatoa! A bane aomata ni kataniia iroum, i aan nuuni baim ni kiba.

Taian Areru 51:1

Te Atua, nanoangaai, b'a akea tokin am Atataiaomata! Kaitiakai man au bure, b'a e bati am Nanoanga!

Taian Areru 63:3

E raoiroi riki am Atataiaomata nakon te maiu, Ma ngaia ae I riai n neboiko.

Taian Areru 69:13

Ma ngai, N na tataro nakoim, te UEA; Ko na kaekaai, te Atua, n am Tai are Ko taku. Ko na kaekaai ni m'aitin am Tangira, ngkai ko kawakina am berita ni koauan am Kamaiu.

Itaia 63:7

N na taekin aron ana m'akuri te UEA aika E a tia ni karaoi. A bon riai n nebonebo! E a tia ni kaota ana akoi te UEA nakoia Iteraera; e a tia n akoi ao ni karaoa ae e raoiroi.

Mika 7:19

Ko na manga nanoangaira riki. Ko na toubekai ara bure i aani waem, ao karenakoi i kabin marawa!