Taian Areru 69:12 - Te B'aib'ara

¹² A tataekinai i nanoni kawain te kaawa, Ao a karioaki anene aika iai taekau iai irouia taani moi manging.

Taian Areru 69:12 ပူးပေါင်းရင်းမြစ်များ

Karikani B'aai 19:1

Ao ngke a roko anera ake uoman i Tootom n te tairiki arei, ao e tekateka Roota i mataroan te kaawa are buubura arei. Ao ngke e nooriia uakekei, ao e teirake ni kawariia, ao e bobaraaki i mataia

Taian Areru 35:13

Ma ngke a aoraki, ao I kaota ae I rangi n nanokawaki; I kataua te aki mamatam; Ao I tataro ma te nanokawaki ae bati i bukiia,

Ieremia 20:7

Ko kam'aneai, te UEA, ao I bon riki b'a te nanobaba iai. Ko korakora riki nako iu, ao Ko a tia ni kataenikaiai. A aki toki aomata ni matanikakanikoai ao n taetae n aki akaaka nako iu.

Taniera 5:23

Ko kakaitaraa UEAN karawa ngke ko uoti m'angko, ma taiani boora ake a anaaki man ana Tembora. Ao ko mooi mai iai ngkoe ma am taani iango, ma buum, ao buum ni kewe, ao kam kamoamoaia anti ake a karaoaki man taiani koora, tirewa, buraati, biiti, taiani kai, ao atiibu, anti aika a aki noraaba ao a aki konaa naba ni kakauongo, ao a bon aki ataa te b'ai teuana. Ao kam aki karinea te Atua ae e mena maiumi i nanoni baina, ao E bairei b'aai ni kabane aika kam karaoi.

Mataio 27:20

A kairoroia aomata ibonga ake mataniwi ma unimm'aane b'a a na bubuti B'arab'a, ao a na tua b'a E na kamateaki Iesu.

Ruka 23:2

Ao a bukinna ni kangai, “E reke i roura Teuaei ngke E tabe n anaa nanon ara botannaomata aei ni kab'aoua, ao E tukiira b'a ti na aki kab'akai ara taekiti nakoni Kaitara, ao E taku b'a Ngaia bon te Kristo ae te uea.”

Te Tua-Kaua 16:18

Ngkana kam a tia n tekateka raoi n ami kaawa ake kam karekei mairoun te UEA ae Atuami, ao a na rinei aia taani moti ma aia aobitia kaawa n tatabeua nako. Ao ngkami akana kam riki b'a taani moti kam na riai ni babaire raoi ngkana kam kanakoa ami moti, e ngae ngkana te aomata ae kakannato. A na aki mara atomi iroun temanna n te aro are kam na anga te moti ae bure. Te kamaraato e karekea te matakii irouia aika wanawana man nooran te koaua ao e bitiia aomata aika raoiroi b'a taani kewe.