Taian Areru 68:8 - Te B'aib'ara

⁸ Ao e m'ainging aon te aba, ao e b'aka te karau, i bukin rokom Atuan Tinai, ae Atuan Iteraera.

Taian Areru 68:8 ပူးပေါင်းရင်းမြစ်များ

Taian Areru 114:7

Ko na ruru, ngkoe ae aonnaba, i matan te Uea ae Atuan Iakob'a, ngkana e a roko ni kaan

Taian Areru 41:13

E na karaoiroaki te UEA, ae Atuaia Iteraera! E na karaoiroaki ngkai ao n aki toki! Amen! Amen!

Taian Areru 68:35

Te Atua, Ko kakamaaku n rokom man am Tabo are Tabu Atuaia Iteraera! E anga te korakora ma te m'aaka nakoia ana Aomata. Kam na neboa te Atua!

Taian Areru 77:18

E ongo te aba rebwen am Baa n te ukeukenanti; Ao e kaota aonnaba ootan te iti; E ruru aon te aba ao e m'aeiei.

Te Otinako 13:18

Ma ngaia are, e a onea mwiina ni kairiia n te kawai ae ab'ab'aki are ribuki ri nanon te rereua ni kaineta Taari are Uraura. A kiitana Aikubita Iteraera, ni katauraoia nakon te buaka.

Te Otinako 19:16

Ao e rebwe te baa ao e iti karawa ni moan ingabongin te katenua ni bong, ao e kaoti te nang ae matenten i aon te maunga, ao e tang te buu ae moan te tangim'aaka. Ao a bane n ruru ni maaku kaain aia maeka arei ni kabane.

Te Otinako 19:18

Ao e rabunaki ni kabane te maunga are Tinai n te bubu, i bukina b'a E a ruo te Atua i aona n rab'atanna n te ai. Ao e aetorake te bubu arei kaanga bubun te ai ni kanaiai, ao a rangi n ruru ni maaku aomata ni kabane.

Itaia 45:3

N na anganiko taiani kaub'ai aika a karabaaki n te roo ao n taabo aika a raba. Ao ane ko na ataia b'a boni Ngai te UEA ae Atuaia Iteraera, ae e a tia ni wetei ngkami n arami.

Itaia 64:1

Bwenauai taiani karawa! Ruorikaaki, te UEA; karurui taiani maunga.

Itaia 64:3

am m'akuri aika ko a tia ni karaoi bon baika a kamimii nakoira; a ruru naba taian maunga ngkana ko ruo rikaaki.

Ab'akuka 3:13

Ko otinako ni kamaiuia am aomata, Ko kamaiuia am uea aika ko rineia Ko oroia rikaaki taan kairiiri aika a buakaka ao ko kamaunaia taan rimwiia.

Ebera 12:26

are e kam'aeieia te aba b'anaana n te tai arei, ao E taetae ngkai ni kangai, “Ai ti teuana riki kam'aeieian tiaki ti aonnaba i Rou, ma kam'aeieian naba karawa.”

Te Kaotioti 11:19

Ao e kaukaki ana Tembora te Atua, ae te Tembora ae mena i karawa, ao e noraki te Atiniberita i nanona. Ao e itiiti ma n rebwetata te baa ma n rurunga, ao e m'aeiei te aba; ao e b'aka ni korakora te karau ae te aiti ae matoatoa.

Tani Motiki-taeka 4:14

Ao e takaarua Tebora ni kaangai, “B'araka, e a bo tain buakanakin Titera b'a E na buokiko te UEA ni kataenikaia n te bong aei.” Ao ni koauana raoi, “E a tia te UEA n ri moami ni buaka i bukimi.” Ao e kairiia ana taanga ni buaka B'araka ake 10,000 rikaaki man te Maunga are Tabora.