Taian Areru 68:34 - Te B'aib'ara

³⁴ Kam na atonga te Atua b'a E m'aaka, ao E tautaeka b'a te Uea Ngaia i aoia Iteraera, Ao a kaotiota aroni m'akana taiani karawa.

Taian Areru 68:34 ပူးပေါင်းရင်းမြစ်များ

Taian Areru 150:1

Kam na kamoamoa te UEA! Kam na kamoamoa te Atua ae mena n ana Tembora! Kam na kamoamoaa te Atua ae mena i karawa ae nnena ae kawakinaki raoi!

Taian Areru 29:4

E m'aaka b'anaan te UEA; moan te mimitong b'anaan te UEA.

Te Tua-Kaua 33:26

Kaain Iteraera, bon akea te atua temanna ae ai aron Atuara; taian nang Ana kaanibuaka ngkana E m'ananga i aon taiani karawa ngkana E na kawariira ni buokiira.

Te Tua-Kaua 33:27

Nnera ni karabaira te Atua ae akea tokina; E uotiira ni baina. Ngkana E tuangkami te UEA b'a kam na tiringiia ami kairiribai, ao ane E na kabirinakoia mai m'aaimi.

2.Betero 1:17

B'a E anganaki te karineaki ma te neboaki mairoun te Atua are te Tama, ngke e roko te b'ana nakoina mairoun te Mimitong are Moan te Tamaroa, are kaangai, “Natiu ae tangiraki Teuaei, ae I kakatonga i rouna!”

Te Kaotioti 19:6

Ao I ongo te bae kanga b'anaaia kaain te botaki ae ab'ab'aki, ae kanga karongoani b'aron naao aika bati, ao kanga rebwerebweni baa aika korakora, ao a kaangai, Areruia! B'a E uea te Uea ae Atuara ae Moan te M'aaka.