Taian Areru 68:33 - Te B'aib'ara

³³ are buti i aoni baona i karawa, are te karawa ngkoangkoa. Ongora ni b'anaana, ae te b'ana ae korakora.

Taian Areru 68:33 ပူးပေါင်းရင်းမြစ်များ

1.Uea 8:27

E aki tau karawa i bukin nnen ni maeka te UEA ae te Atua. Ao Ko nang kanga riki ni maeka n te aonnaba i nanon te Tembora ae I karaoia?

Taian Areru 102:25

Ko kawenea aan aonnaba ngkoangkoa, ao Ko karaoa karawa ni baim.

Taian Areru 104:3

Ko katea mwengam i aon raan ake i etani karawa. Ko kabonganai naang b'a am kaanibuaka, Ao Ko m'am'ananga ni bain te ang.

Taian Areru 18:10

E toka i aoia kerubim ao E kiba; Ao E ukia te ang ni kakibam'akaa.

Taian Areru 46:6

A kiriwe botannaomata b'a a maaku, a nako buaka waaki n tautaeka n aaba ake iai ueaia; E taetae te Atua n te b'anaa ae korakora, kanga ai aron rebwen te baa, ao e riki n ran aonnaba.

Taian Areru 66:1

Kam na kanene b'anaami ni katituaraoa te Atua ma te kakatonga, ngkami aika aomata ni kabaneingkami.

Taian Areru 66:2

Kam na anenea taekan arona ae kamimii; aika E na karineaki riki iai arana!

Taian Areru 68:4

Kam na anene nakon te Atua, kamoamoa arana; Katauraoa kawaina are toka i aon taian nang. Ao arana bon te UEA (Iah) kim'areirei ni menana i buakomi!

Taian Areru 93:2

Te UEA, ai kaman iai m'aakam man te tai are Ko kariki iai b'aai, Ao kaman iai Ngkoe ma ngkoangkoa i m'ain rikin b'aai.

Etekiera 10:5

Ao e korakora rurungaiia maan ake iai baiia ni kiba n ai aron b'anaan te Atua ae Moan te M'aaka ao e konaa n ongo te aba man katawanangin oon te Tembora.

Te Tua-Kaua 10:14

Ana b'ai te UEA ae Atuami b'aai ni kabane, tiaki ti Ana b'ai te aonnaba ma kanoana ni kabane, ma bon Ana b'ai naba eta ma taiani karawa ake kabanea n rietaata.

Te Tua-Kaua 33:26

Kaain Iteraera, bon akea te atua temanna ae ai aron Atuara; taian nang Ana kaanibuaka ngkana E m'ananga i aon taiani karawa ngkana E na kawariira ni buokiira.

Te Kaotioti 11:12

Ao burabeti ake uoman akekei a ongo te b'anaa ae korakora mai karawa ae kaangai nakoia, “Kam na rierake nako ikai.” Ao a rierake nako karawa n te nang; ao aia kairiribai a tarataraia.

Te Kaotioti 11:15

Ao e katanga ana bu te anera are te kaitiman; ao b'anaa aika korakora i karawa a kaangai, “Ana b'ai ara Uea ma ara Kristo te m'aaka n tautaeka i aonnaba; ao ane E na uea n aki totoki.”

Te Kaotioti 11:19

Ao e kaukaki ana Tembora te Atua, ae te Tembora ae mena i karawa, ao e noraki te Atiniberita i nanona. Ao e itiiti ma n rebwetata te baa ma n rurunga, ao e m'aeiei te aba; ao e b'aka ni korakora te karau ae te aiti ae matoatoa.