Taian Areru 68:30 - Te B'aib'ara

³⁰ Ko na boaa Aikubita, ae kanga ai aron te man ae aki manana i buakon uteute aika ririeta. Boaiia botannaomata, ake kanga ai aroia kaao-m'aane ma kaao ataei, ni karokoa ae a bane ni karineko ao a anganiko aia tirewa. Kamaenakoia aomata akana tangira te kani buaka!

Taian Areru 68:30 ပူးပေါင်းရင်းမြစ်များ

2.Rongorongo 9:14

ao e aki warekia b'a iraua ake a nikiria taani boob'ai ma taani iokinib'ai i rouna. A anganna naba taiani koora ao tirewa taian uea mai Arabia ao taani kairiiri mai Iteraera.

2.Rongorongo 9:24

Ao a uoti taiani b'aintangira aika tirewa ma koora, ao ai uana naba ma taiani kunnikai, b'aai ni buaka, b'ai ni kaboiarara, taian aoti, ao ai taiani miure.

Iobi 40:21

E wene i aan taiani buakoako aika kateketeke, ao E karaba i buakon uteuten te kaneinei.

Taian Areru 120:7

Ngkana I tabeka taekan te raoi, ao ngaiia ti taekan te kani buaka i rouia.

Taian Areru 18:44

A baraaki ni karineai aomata aika ianena; ngkana a ongo taekau, ao a ongeaba.

Taian Areru 2:12

Kaota karinean natina b'a ngkana kam aki, ao E na un iai, ao E na kamaunaingkami. Ma E na kakab'aiaia ni kabane akana a biri nakoina.

Taian Areru 72:10

Ane a na anganna b'aai n akoi uean Tibein ma abam'akoro; Ane a na uoti naba nakoina b'aai n tituaraoi uean Tieba ma Teba.

Taian Areru 89:10

Ko kamanatua Raaba ao e tiringnga; Ko katae aia kai am Kairiribai ni korakorani m'aakam.

Itaia 34:7

Bon taiani kao aika a aki manana taani kairiiri i Etom. Bon taian kaom'aane aika a marurung, ma a na boni mate naba ma ake tabeman. Ane e na onrake abaia n raraaia ao e na maiu tanon abaia ni kiritin rab'ataia.

Ieremia 50:11

Kaain B'aburon, kam kukurei ngkoa ni kimoaia Au aomata. E rangi n reke ami tai ngkoa, ni karaoa te karongoaa ae e korakora riki nako ia aoti ma n eweewe rake n aki akaaka kaanga taian kao ataei aika a kanakoa kunin te uita.

Etekiera 29:3

Au taeka ae e kaangai: Uean Aikubita, ti te bo ngkoe ma te korokorotaire ae e wene i nanon te karaanga. Ko karaoa aron ae bon am b'ai te Naire ao ko karaoia bon i bukim. Ma ngkai I a riki b'a ami kairiribai Ngai te UEA ae te Atua!

Tekaria 8:22

A na roko aomata man botannaomata aika a korakora nako Ierutarem n taromauriai ma ni butiai b'a N na akoia.

I-Rom 7:22

B'a e on nanou n te kukurei n ana Tua te Atua;

Iakobo 4:1

A riki maia taiani buaka, ao a riki maia taian un i buakomi? Tiaki a riki man naano n aonnaba aika kume ni buaka i nanoni b'ain rab'atami?