Taian Areru 68:27 - Te B'aib'ara

²⁷ A roko moa kaain te baronga are Beniamin, are te kabanea n uarereke; ao i mwiia, mataniwi n te baronga are Iuta ma aia koraki, ao a raonaki irouia aia mataniwi kaai te baronga are Teburun ma Nabetari.

Taian Areru 68:27 ပူးပေါင်းရင်းမြစ်များ

Karikani B'aai 42:32

Bon taari ngaira aika tengaun ma uoman, ao ti temanna tamara. E a tian ni mate tarira are temanna, ao tarira are te bina are e tiku i Kanaan ma tamana.”

2.Tamuera 3:19

Ao n tokina, e a taetaenikawai Abenera ma te baronga are Beniamin. Ao i mwiina, e kiitana Eberon n tuanga Tawita b'aai ni kabane are a tangiria kaain te baronga are Beniamin ao nikiraia Iteraera ni karaoia.

1.Rongorongo 12:16

A m'ananga n te tai teuana koraki ni m'aane man te baronga are Beniamin ao Iuta nakon te nono are e mena iai Tawita.

1.Rongorongo 12:29

ao angiia m'anena a bon tiku ni kakaonimaki nakon Tauro; 20,800 man te baronga are Eberaim, aika a aki ti ninikoria ma a bon rangi n ataaki naba n aia kaainga;

1.Rongorongo 15:3

I mwiina anne, e kaoiia aomata ni kabane Tawita b'a a na roko i Ierutarem ni mataku ni uotakin te Atiniberita nakon te tabo are e a tia ni karaoia b'a e na katukaki iai.

1.Rongorongo 27:12

n te karuaiwa n nam'akaina, bon Abietera are kanoan Anatota man te aba are Beniamin;

Taian Areru 26:12

I maiu ri buakon te kaangaanga; N na kamoamoa te UEA n te bootaki ae ab'ab'aki.

Taian Areru 47:9

A bane ni bootaki aia uea natanaomata ma ana botannaomata te Atua are Atuan Aberaam; B'a ana b'ai te Atua uea n aon te aba; ana katikui aia b'ai ni buaka E raka aroni karineana.

Taian Areru 60:7

Bon abau Kireata, ao abau naba aban Manate; otangan atuu Eberaim, ao Iuta ai aroni m'akau n tautaeka.

Itaia 11:13

E na aki manga bakantang Iteraera iroun Iuta, ao e na aki manga riki Iuta b'a a na kairiribai Iteraera.

Itaia 48:1

Kaain Iteraera kam nako mai roun ana utu Iakob'a ao barongan Iuta. Kam taekinna b'a kam taromauriia, te UEA ae Atuan Iteraera, ma kam kewe.

Warekaia Iteraera 34:21

Temuera are natin Ammiuta man te baronga are Timeon,

Tani Motiki-taeka 5:18

Ma a tatauraoi n anga maiuia tautian Teburun ao Nabetari ni buakaniia aia kairiribai.

1.Tamuera 9:21

Ao e taku Tauro, “E aera ngkai ko tuangai te b'ai aei? Bon kaain te baronga ngai ae Beniamin, ae te kabanea ni uarereke ni baronga mai Iteraera, ao bon te kabanea ni mangori au kaainga mai buakon kaaingan te baronga.”