Taian Areru 68:25 - Te B'aib'ara

²⁵ A ri moa taan anene, ao a rimwiaki irouia ateiaine ake a ororei ni katang aia b'ai ni katangitang, ao taani katangitang mai buki.

Taian Areru 68:25 ပူးပေါင်းရင်းမြစ်များ

1.Rongorongo 13:8

Ngke a kabane korakoraia ni m'am'aie man aneenene Tawita ma aomata ni kamoamoaa te UEA. A katangitang n tain aabi ake a uarereke ao b'aai ni katangitang ake taiani karai ao taian raea, taian timbere, ao taiani timbara.

Taian Areru 63:3

E raoiroi riki am Atataiaomata nakon te maiu, Ma ngaia ae I riai n neboiko.

Taian Areru 77:14

Bon te Atua Ngkoe ae Ko kakaraoi b'aai ni kamimii; Ko kaota korakoram i buakoia botannaomata.

Taian Areru 87:7

A anene ni b'ab'atere ao ana kaangai, “A nako mai Tion kab'aiara ni bane.”

Te Otinako 15:20

Ao e anaa ana timbere Nei Miriam are m'anen Aaron, ao a bane aine ni iria ni katangtang n te timbere ma ni m'am'aie.

Ieremia 31:13

A na bootaki ni kukurei ma n ruruoia, ateiaine ao rorobuaka, n ikotaki naba ma ami kara, i bukina b'a N na anganiia te raunnano ao N na onika rawawataia nakon te kukurei.

Ieremia 31:4

Kam rangi ni kakaawaki irou, ai ngaia are, N na manga katea ami botannaomata. Kam na manga b'ab'atere ni kukurei ma ni katangitang n taian timbere.

Tani Motiki-taeka 11:34

Ao ngke e a okira mwengana Iebeta i Mitib'a, ao te moan aomata are e otinako ni butim'aia bon natina te aine. E katanga te timbere, ao e b'ab'atere i bukin ana tokanikai tamana, ao bon ti ngaia natina.

1.Tamuera 18:6

E a tia n tiringa Koria Tawita, ao e a b'ara te buaka, ao a bane n okirikaaki Iteraera nakon mwengaia. Ao ngke a tabe ni m'ananga n oki Iteraera, ao a otinako aine man kaawan nako Iteraera ni butim'aea te uea are Tauro. A anenei anene ni kukurei ao a m'am'aie n tangin taian timbere ma taian aabi.