Taian Areru 68:11 - Te B'aib'ara

¹¹ E kanakoa ana taeka te Uea, ao a bati aine ake a kabutaa nako te taeka anne:

Taian Areru 68:11 ပူးပေါင်းရင်းမြစ်များ

Taian Areru 40:3

E reireiai b'a N na anenea te kuna ae boou, i bukini karaoiroan Atuara. A na nora aio aomata aika bati, ao a na karinea ma n onimakina te UEA.

Taian Areru 68:25

A ri moa taan anene, ao a rimwiaki irouia ateiaine ake a ororei ni katang aia b'ai ni katangitang, ao taani katangitang mai buki.

Te Otinako 14:15

Ao E taku te UEA ae te Atua nakoni Moote, “E aera ngkai kam tangira buokami? Tuangiia aomata b'a a na waaki rake.

Te Otinako 15:20

Ao e anaa ana timbere Nei Miriam are m'anen Aaron, ao a bane aine ni iria ni katangtang n te timbere ma ni m'am'aie.

I-Ebeto 4:11

Boni Ngaia ae E anga tem'angina b'a taan tuatua; ao tem'angina, b'a bureitiman, ao tem'angina, b'a taan taekina te euangkerio; ao tem'angina, b'a taani kawakina te ekaretia ao taan reirei.

Te Kaotioti 19:13

Ao E kunnikaiaki n te kunnikai ae kateboaki n te raraa; ao e atongaki arana b'a ana “Taeka te Atua”.

Tani Motiki-taeka 4:6

N te bong teuana, ao e mena B'araka are natin Abinoam te m'aane i Keteti i Nabetari, ao e kanakoa ana taeka Tebora nakoina b'a e na roko ni maroroo ma ngaia. Ao ngke e a roko, ao E taku: Bon iai te rongorongo nakoim mairoun te UEA ae Atuaia Iteraera. Ko na botiia tebwina te nga m'aane man te baronga are Nabetari ao Teburun ao kairiia nakon te Maunga are Tabora.

1.Tamuera 18:6

E a tia n tiringa Koria Tawita, ao e a b'ara te buaka, ao a bane n okirikaaki Iteraera nakon mwengaia. Ao ngke a tabe ni m'ananga n oki Iteraera, ao a otinako aine man kaawan nako Iteraera ni butim'aea te uea are Tauro. A anenei anene ni kukurei ao a m'am'aie n tangin taian timbere ma taian aabi.