Taian Areru 68:10 - Te B'aib'ara

¹⁰ A maeka am Botannaomata i aona; Ao Ko kareke b'aai i bukin kainanoia akana akea aia b'ai.

Taian Areru 68:10 ပူးပေါင်းရင်းမြစ်များ

1.Uea 8:36

ao Ko na ongora mani mwengam i karawa mani kab'arai aia bure. Bon am Toro aomatan Iteraera, ma ngaia are, Ko na reireiniia aroia ni maiuakina te maiu ae e eti. Ao taiaoka ni kanakoa te karau i aon te aba are Ko berita iai nakoia n aki toki.

Taian Areru 65:10

Ko kab'aka te karau ae korakora n tawaana ake ana unikaki aoia ao ni kaboraoi tabuki bukina. Ko kamaraua raoi tanona n te karau, ao Ko kakab'aia te tano b'a e na kariki aroka.

Taian Areru 65:11

Ai batiraa am Akoi ae noraki arona ni marin te aba ae Ko anga b'a e na taiaki! Iriani m'anangam bon te kab'aia ae bati n taabo ake Ko roko iai.

Taian Areru 65:9

Ko kaota tararuan te aba iroum ni kab'akaan te karau; Ko kakorakora marina. Te Atua, e on am Karaanga n te ran; Ko karaoa ae e na kona aon te aba ni kariki aroka. Ao aio aroni karaoana iroum:

Taian Areru 74:19

Tai kaaki taekani maiuia am Aomata aika kananoanga i nanoni baiia aomata aika kakam'arua. Tai m'aninga taekaia am Aomata aika b'ainikirinaki.

Taian Areru 78:20

E koaua b'a E orea te b'a, ao e raanga nako te ran ae korakora b'arona; Ma E kona naba ni karekea te am'arake i bukira? E kona ni karekea te iriko-maiu nakoia ana botannaomata?”

Itaia 40:29

Bon te UEA ae e anga te korakora nakoia aika a kua.

Warekaia Iteraera 16:3

ma Aaron ao a taku, “E aera ngkai kam a bon rangi ni karietatai ngkami? Boni ngaira naba Ana aomata te Atua aika tabu, ao E boni mena naba i roura ni kabane. E aera ngkai kam taku b'a ti ngkami n onimakinaki?”

Mataio 11:5

a noraba mataki, a nakonako m'auku, a kamaiuaki rebera, a uki taningaia taningabono, a manga maiu maate, ao a ongo taekan te euangkerio aomata ake a aki kaub'ai.

Ruka 1:53

E katoki nanoia akana aki kaub'ai ni baika raraoi, ao E kanakoia akana kaub'ai n aki kab'aib'aia.

Te Tua-Kaua 26:5

Ao i mwiina, kam na tei i matan te tabo n taromauri, ao kam na tataro ni kaangai: Bon akea aia auti ngkoa au bakatibu, kaain Aram ake a nako ni maeka i Aikubita. Bon te utu ngkoa ngaiia ao ti tabeman ngaiia i abaia, ma a rikirake m'aitiia ao korakoraia, bon te botannaomata ngaiia ae kauaomata.

1.Betero 5:3

ao tai tau-taekaniia akana mena i aan ami tararua, ma kam na riki b'a banna ni kakairi nakon te nanai.

1.Tamuera 2:8

Ko tabekiarake aomata aika kainano ao aika akea mwengaia Ko anaia mai buakon turam ni maange ao Ko anganiia te nne ae karineaki i nanon taiani bareti. Ko katea te aonnaba i aon taian aana, ao bon am b'ai.