Taian Areru 67:4 - Te B'aib'ara

⁴ A na kakatonga botannaomata, ao a na anene ni kim'areirei: B'a Ko motiki taekaia aomata ma te eti, Ao Ko kairiia botannaomata nako i aonnaba.

Taian Areru 67:4 ပူးပေါင်းရင်းမြစ်များ

Karikani B'aai 18:25

Ko na bon bae n aki kona n tiringiia aomata aika akea aia bure ma aomata aika taani bure. E bon aki kona ni karaoaki anne. Ko aki kona ni karaoa anne. Ngkana Ko karaoa anne, ao ane a na mauna nako naba iai aomata aika akea aia bure i rarikiia taani bure. E bon aki kona ni karaoaki anne. E na bon karaoaki te motikitaeka ae eti n te aonnaba aei ni kabane.”

Taian Areru 2:8

Ko na butiai i bukiia botannaomata ni kabaneia i aonnaba, ao N na anganiko ni kabaneia.

Taian Areru 82:6

I taku, ‘Taian atua ngkami; Natin te Atua are Moan te Rietaata ngkami ni kabaneingkami.’

Taian Areru 9:8

Ko motika taekan te aba n akea te nanonano, ao Ko karaoa te riai nakon te botannaomata.

Taian Areru 96:10

Kam na kaangai nakoia botannaomata nako, “E uea te Atua! E tei n nene ni nena aonnaba n aki kona ni kam'aingaki; E na motiki taekaia botannaomata ma te eti.”

Taian Areru 98:9

I bukina b'a E roko n tautaekana te aba. E na tautaeka i aoia aomata nako i aonnaba n te eti ma te aki nanonano.

Itaia 54:1

Anene n taakarua; e ngae ngkana ko tuai mani kariki! E a tia ni berita te UEA nakoim b'a a na manga reke riki natim nakon temanna ae e a tia ni mare n te tai ae e a maan.

Itaia 55:4

I karikia b'a te tia kairiiri ao te tia tautaeka i aoia botannaomata nako; ao bon ngaia au tia kakoaua nakoia.

Itaia 60:6

E na onrake abam n te naani kamero aika ataei mai Miria ao Eb'a; a uoti taiani koora ma b'aai ni kaboiarara b'a b'aini karineau, Ngai ae te UEA kaain Tieb'a

M'akuri 17:31

i bukina b'a E a tia ni motika te bong are E nang kaeti iai taekaia kaain aonnaba n te raoiroi iroun te Aomata are E a tia n rineia; ao E kaota koauana nakoia aomata ni kabaneia, ngke E a manga kamaiua mai buakoia maate.

I-Rom 2:5

Ma ngkai a matoatoa nanomi n rawa ni kani kaetaki, ao kam kaikoa te un nakoimi nakon te bong are e na kaotaki iai unin te Atua ma ana motiki-taeka ae eti.

I-Karatia 4:27

B'a e koreaki ae kaangai: “Ko na kukurei ngkoe ae ko kanoabo ae ko tuai ni bung; Ko na takarua ni kim'areirei ngkoe ae ko tuai n ariri; B'a a bati riki natin te aine ae tiku n ti ngaia nakoni m'aitiia natin neiere iai buna.”

Te Tua-Kaua 32:43

Tuangiia taiani karawa b'a a na karaoa aia bootaki ni kukurei ao taian atua ni kabane b'a a na bobaraaki nakon te UEA, i bukina b'a E na irantaangaia mairouia kairiribai aika ribaaki aika tiringiia ana Aomata. E na kab'arai ana bure Iteraera ma ni kaitiaka abaia.