Taian Areru 66:9 - Te B'aib'ara

⁹ E a tia ni kateimatoai maiura, Ao E a tia ni kawakiniira b'a ti na aki b'aka.

Taian Areru 66:9 ပူးပေါင်းရင်းမြစ်များ

Taian Areru 112:6

Akea kab'akan te aomata ae ongeaba nakon ana tua te Atua; E na ururingaki n taai nako.

Taian Areru 121:3

E na aki angani waem b'a e na reke n te kabuanib'ai; E aki mamatu te tia kawakiniko.

Taian Areru 125:3

E na aki teimatoa aia tautaeka akana buakaka i aon abaia akana onimakina te Atua; ke ni kairiia b'a ana karaoi m'akuri aika bubuaka.

Taian Areru 22:29

Ane a na bane akana marika i aonnaba n am'am'arake ma n taromauri; ane a na bane ni bobaraaki i matana akana nangi mate, akana i aoni kawaia nakon te ruanimate.

Taian Areru 55:23

Ma Ngkoe, te Atua, Ko na kariniia taan tiritiri ma taani b'anga ni kewe ruanimateia i m'ain banen iteran aia bongi ni maiu. Ao ngai N na onimakiniko.

Taian Areru 62:2

Ti Ngaia katanau ao buokau; Ngaia ae kamanoai, ao N na aki kona n taenikai.

Taian Areru 62:6

Ti Ngaia katanau ao buokau, Ngaia ae kamanoai, N na aki kona n taenikai.

Taian Areru 94:18

Ngke I kaangai, E maran nako waeu Ma am Tangira, te UEA, boni ngaia ae tauai b'a N na aki b'aka.

M'akuri 17:28

b'a boni Ngaia ae ti maiu i rouna, ti kakam'akuri i rouna, ao iai ngaira i rouna; n ai aron are a kaangai ami tia oto-kuna tabem'aang, “B'a ti riki naba mai Rouna.”

1.Tamuera 2:9

Ko kaawakiniia am aomata aika kakaonimaki ma ni kabane aika buakaka a na mate i nanon te rotongitong. Ti aki kona n tokanikai ni bon oin korakorara.

1.Tamuera 25:29

Ngkana iai ae e na buakaniko ao ni kataia n tiringko, ao E na kaawakiniko te Atua b'a ko na mano raoi, kaanga te aomata ae e kakaawakina te kaub'ai ae e kakaawaki. E na karenakoia am kairiribai nako te UEAkaanga te aomata ae e karenakoa te atiibu n te bana.