Taian Areru 66:7 - Te B'aib'ara

⁷ E tautaeka n aki toki ni m'akana, Ao E tatarataraiia botannaomata nako. Ke a tai teirake akana rawa ni kan aantaeka i rouna n ekianako.

Taian Areru 66:7 ပူးပေါင်းရင်းမြစ်များ

2.Rongorongo 16:9

E teimatoa te UEA n tataraia aomata ni kabane, ao e anga te korakora nakoia ake kakaonimaki n ongotaeka i rouna. Ma ngkoe, ko a tia ni karaoa te m'akuri n nanobaba, ao e na bon aki konaa ni manga reke riki te rau n abanueam.

Iobi 9:4

E rangi n rabakau te Atua ao E m'aaka, ao bon akea te aomata ae kona n teirake ni kaitaraa.

Taian Areru 11:4

E mena te UEA i nanon ana Tembora are tabu; ao e mena ana Kaintokanuea i karawa. E tarataraia aomata ni kabaneia n taabo nako, ao E atai baika a karaoi.

Taian Areru 140:8

Ko na aki katotokanikaia te aomata ae e buakaka ni b'aai nako aika e tangiri, b'a e kaawa n aki tootoki aia m'akuri aika a buakaka.

Taian Areru 145:13

Akea tokin ueam, ao Ko na tautaeka n aki toki. E kakaonimaki te UEA ni kakoro bukin ana taeka; Ao E nanoanga n ana arona ni kabane.

Taian Areru 33:13

E tara aonnaba te UEA mai karawa, ao E noriia aomata nako.

Taian Areru 62:11

E raka i aon teuana au tai n ongo ana taeka te Atua, ngke E taetae ni kaangai, “I m'aaka,”

Taian Areru 75:6

E aki roko mai mainiku ke mai maeao te motikitaeka; Ao e aki roko naba mai meaang ke mai maiaki;

Te Otinako 18:11

I a bon ataia ngkai b'a E boni korakora riki te UEA nakoia atua nako, i bukina ngke E karaoa aei ngke a karaoa te m'akuri ae buakaka kaain Aikubita nakoia Iteraera.”

Taniera 4:34

E taku te uea, “Ngke e a koro itiua te ririki, ao I tararake nako karawa, ao e oki nanou. I neboa te Atua ae e m'aaka, ao I anga te karinerine ma te kamoamoa nakon teuae E maiu n aki toki. “E na tautaeka n aki toki, ao akea tokin ueana.”

Taniera 4:35

E taraia aomatan te aonnaba b'a kaanga baika akea bonganaia; a mena i aan Ana babaire anera ake i karawa, ma aomata aika i aon te aba. Bon akea ae e kona ni kaitaraa Ana iango ke ni waea te b'ai ae E karaoia.

Mataio 28:18

Ao E roko Iesu, ao E taku nako ia, I a tia n anganaki te m'aaka ni kabanea i karawa ao i aonnaba!

Mataio 6:13

Ao tai kairira nakon te kaririaki, ma Ko na kamaiura man te buakaka; b'a am b'ai te uea, te m'aaka, ao te neboaki n aki toki. Amen.