Taian Areru 66:13 - Te B'aib'ara

¹³ N na uoti karea ni kabuokaki nakon am Auti; N na anganiko baike I a tia n atong n au taeka ni bau.

Taian Areru 66:13 ပူးပေါင်းရင်းမြစ်များ

Iobi 22:27

E na kaeka am tataro ngkana ko tataro nako Ina, ao ko na kaawakina am berita are ko karaoia nako Ina.

Taian Areru 100:4

Kam na rin ni mataroan te Tembora ma te katituaraoi, kam na rin i nanona ma te nebonebo. Kam na katituaraoia ao neboia.

Taian Areru 116:14

N aia tai ni bootaki ae ab'ab'aki ana Aomata, ao N na kakoro bukini baike I a tia n atong ake au taeka ni bau b'a N na karaoi.

Taian Areru 118:19

Kauka nako iu mataroan te motikitaeka ae eti N na rin man tuanga te UEA; arou n anganna katituaraoana!

Taian Areru 118:27

Bon te Atua te UEA; E a tia n anganiira te oota! Moana te bootaki ni kukurei! Kam na m'ananga ma m'angani kaai ao waaki nakon te baonikarea.

Taian Areru 22:25

N tain te bootaki ae ab'ab'aki, ao N na neboiko i bukini baike Ko a tia ni karaoi. N na anga i mataia aomata aika taromauriko karea ake I a tia n taku b'a N anga;

Taian Areru 56:12

Te Atua, I bae n au taeka ni bau nakoim: N na anganiko au katituaraoi b'a au karea,

Taian Areru 65:2

i bukina ngkai Ko kaekai tataro. A na bane n roko nakoim aomata man taabo nako

Te Minita 5:4

Te Atua e aki tangiriia aomata aika a nanobaba. Ma ngaia ae, ko na aki waeremwe ni kakoroa bukin am taeka ni berita nakon te Atua.

Iona 2:9

Ma N na anenea kamoamoam; N na anga karea nakoim. N na karaoa are I a tia n taetae n tuea iai. Bon mairoun te UEA te maiu!

Naum 1:15

Noria, e ri aon maunga n nakomai te tia uarongorongo, ma te rongorongo ae e raoiroi! I aon kawaina n taekina te tokanikai! Kaain Iuta, karaoi ami toa, ao angan te Atua baike kam a tia ni berita iai nakoina. A na aki konaa ni manga eweka abam aomata aika a buakaka. A tia ni bane ni kamaunaaki.

Te Tua-Kaua 23:22

E raoiroi naba ngkana kam aki karaoa te berita, b'a kam aki kona n reke n te bure n urua te berita iai.

Te Tua-Kaua 23:23

Ko na riai ni kaawakini ami berita ni kabane ake kam karaoia nakon te UEA. Boni ngkoe ae ko baaireia b'a ko na karaoa te berita, ao akea ae imanonoiko.

Te Tua-Kaua 23:24

Ngkana kam nakon ana nnenikureebe temanna, ao kam kariaiakaki ni kang kureebe n aron are kam tangiria ngke kam mena ikanne. Ma kam na aki uotinako tabeua ngkana ko nako.

Ebera 13:15

Ma ngaia ae i nanon Iesu ao ti na tai toki n anga te karea ae karaoiroan te Atua, ae te karea ae ti anga ni wiira aika kaotiota onimakinan arana.

Tani Motiki-taeka 11:35

Ao e tang Iebeta, O, ao e raeuaaka kunnikaina i bukin rawawatana ao e taku nakon natina, I a tia ni berita nakon te UEA, ao I riai ni kakoroa bukina. Otinakom ni kawarai e bon riki b'a uruakin nanou.