Taian Areru 65:9 - Te B'aib'ara

⁹ Ko kaota tararuan te aba iroum ni kab'akaan te karau; Ko kakorakora marina. Te Atua, e on am Karaanga n te ran; Ko karaoa ae e na kona aon te aba ni kariki aroka. Ao aio aroni karaoana iroum:

Taian Areru 65:9 ပူးပေါင်းရင်းမြစ်များ

Karikani B'aai 26:12

Ao e ununiki Itaaka n te aba arei, ao n te ririki are e taia tebubua okiokin te m'aiti are e a tia n unikia, i bukina ngke E kakab'aiaki iroun te UEA.

Taian Areru 107:37

A uniki aroka ma kureebe ni neia, ao a karekei uaa aika bati mai iai.

Taian Areru 147:14

E kawakin tiam b'a a na aki anaaki, ao E kanuaiko n te am'arake ae moan te raoiroi.

Taian Areru 46:4

Iai te karaanga ae uota te kim'areirei nakon te kaawa are ana tabo ni maeka ae tabu te Atua are Moan te M'aaka.

Taian Areru 63:1

Te Atua, bon Atuau Ngkoe, I kakorakoraai n ukoukoriko; E kai nanou n tangiriko; kanga ai aron aontano ae m'auteretere ae e mate aona b'a akea te ran iai.

Taian Areru 65:11

Ai batiraa am Akoi ae noraki arona ni marin te aba ae Ko anga b'a e na taiaki! Iriani m'anangam bon te kab'aia ae bati n taabo ake Ko roko iai.

Itaia 41:5

A noora te b'ai are I a tia ni karaoia taian abam'akoro ao botannaomata aika ianena ao a rurubenebene ngke a tabe ni kaan.

Ieremia 14:22

A aki konaa ni karokoa te karau taian bouannanti, ao a aki konaa ni b'aka tamruru ni karau i bon irouia. Bon ti Ngkoe ae Ko konaa n taua aron te karau, ma ngaia are, ti katikui ara onimaki iroum, Ngkoe ae te UEA ae Atuara.

Ieremia 5:24

Kam rawa ni kaangai, “Ti a taromauria te UEA! Boni Ngaia ae e karoorokoa te karau n te aumeaang ma te aumaiaki. ma n anganiira uaan te tai ae e tamaroa.”

Taniera 4:2

Kam na ongora nakon au rongorongo aika taekan kakai aika a kamimii are E a tia ni karaoi te Atua ae moan te m'aaka nako iu.

Nakoaia Ibonga 26:4

ao N na kab'aka te karau n te aro b'a a na rikirake arokami ao ami kai nako a na kariki uaa.

Maraki 1:11

E neboaki arau man te karangaina ni karokoa te airoo irouia botannaomata ni kabane n te aonnaba, ngkana a kabuoka te b'ai ni kaboiarara ma n anga te karea ae e boni kaantaningaaki nako iu.

M'akuri 14:17

ma e boni ngae n anne, ao E a tia ni kaotiota arona n Atua ni baika raraoi ake E karaoi: b'a E anganingkami te karau mai karawa ma boong ake a uaa iai kai n am'arake; E anganingkami kanami, ao E kaon nanomi n te kim'areirei.”

Te Kaotioti 22:1

Ao te anera arei e kaota nako iu karaangan te ran ni maiu, ae te ran ae raneanea n ai aron te kurititaro; ao e raanga nako te ran arei man ana kaintokanuea te Atua ma te Tiibuteteei,

Ruuta 1:6

I mwin te tai ae aki maan, ao e ongo Naomi b'a E a tia ni kakab'aia ana Aomata te Atua, n anga te maiu nakon abaia. Ngaia are e a katauraoi ni kitana Moaaba ma buuia natina.