Taian Areru 65:8 - Te B'aib'ara

⁸ A bane aomata nako i aonnaba ni mimi n am M'akuri ake a kamimii ake Ko a tia ni karaoi; Ao a karika te anene n takakaa ni kukurei irouia aomata mai tabon aonnaba nakon tabona are teuana.

Taian Areru 65:8 ပူးပေါင်းရင်းမြစ်များ

Karikani B'aai 8:22

Ngkai e a riki te aonnaba, ao e na riai n iai taai n ununiki, ao taai n tai. E na teimatoa te m'aitoro, ao te kabuebue, te aumaiaki ma te aumeaang, te ngaina ma te bong.”

Iobi 38:12

Iobi, Ko a tia n tuanga te kaarangaina b'a e na kainga mainiku i nanon maium?

Taian Areru 107:29

E katoka te ang ae baibati, ao e ariki, ao e toki marebuni marawa.

Taian Areru 126:2

Ti ngarengare, ao ti anene ni kim'areirei! Ao a kaangai taekara irouia botannaomata, “E karaoi baika ab'ab'aki te UEA i bukiia ana aomata.”

Taian Areru 135:9

E karaoi taiani kakai ma baika kamimii b'a b'aini karekeani kain aia uea ma raona ake a buokia n ana tautaeka.

Taian Areru 136:8

E karaoa taai b'a e na oota n te ngaina; b'a akea tokin ana tangira;

Taian Areru 148:3

Taai ma nam'akaina, kam na kamoamoaa; Itoi akana raneanea ootami, kam na kamoamoaa.

Taian Areru 19:5

E oti nako mani nena n te ingabong, b'a kanga ai aron te m'aane ae kukurei b'a e a tib'a iein, Ke te tia biri ae e ingainga nanona ni kani biri n tain te kabobirim'aka.

Taian Areru 2:8

Ko na butiai i bukiia botannaomata ni kabaneia i aonnaba, ao N na anganiko ni kabaneia.

Taian Areru 65:13

A on aon taabo ake a maiureirei uteute iai n nanai n tiibu; Ao a kebo nanoni m'arua n uita. A riki b'a kanga ai aroia aomata ake a bane ni kanene b'anaaia n anene ni kakatonga.

Taian Areru 66:3

Kam na kaangai nakon te Atua, “Ai kamimiira am M'akuri aika Ko karaoi! E korakora M'aakam, ma ngaia ae a bobaraaki aiam i m'aim b'a a makuko.

Taian Areru 74:16

Ko karika te ngaina ma te bong; Ko kaaki nam'akaina ma taai ni neia;

Taian Areru 89:10

Ko kamanatua Raaba ao e tiringnga; Ko katae aia kai am Kairiribai ni korakorani m'aakam.

Itaia 17:13

Ma e ngae ngkana a rurunga kaanga te ieka ae e kakamaaku, E na tuangiia te Atua b'a a na oki rikaaki. A na riki b'a kaanga te bubu, ke kaanga te uteute ae e ukaki nako n te ang are e karabinobinoaki ri aon taian tabuki n te angibuaka.

Te Tua-Kaua 4:19

Ao ngkana kam noora nam'akaina ke taian itoi, ao kam na aki bobaraaki n taromauriia. E bon katikuia te UEA ikekei b'a aonga n taromauriaki irouia botannaomata tabeua.

Te Kaotioti 11:13

Ao n te aoa naba arei ao e roko te m'aeiei ae korakora; ao e uruaki kabwiani m'akoron te kaawa, ao a mate ni m'aeiein te aba arei aomata aika itinga; ao aomata ake nikiraia a rangi ni maaku, ao a angan Atuani karawa te neboaki.