Taian Areru 65:5 - Te B'aib'ara

⁵ Ko anganira te tokanikai b'a kaekakira iroum, Ao Ko karaoi baika kamimii b'a ti aonga ni kamaiuaki iai. A bane ni mwioko iroum aomata nako i aon te aba ma ake a maeka i kiraroa ni katokini marawa.

Taian Areru 65:5 ပူးပေါင်းရင်းမြစ်များ

Taian Areru 107:23

A boborau tem'angina i aoni kaibuke, ni m'akuri iai i bukini maiuia.

Taian Areru 145:17

E raoiroi te UEA ni baika E karaoi, ao E nanoanga n arona ni kabane.

Taian Areru 22:27

A na bane botannaomata nako i aonnaba n ururinga te UEA; A na bane botannaomata n rairaki nakoina n taromauria.

Taian Areru 36:9

Mai Roum koburaken te maiu; ao ti nora te oota i bukin ootam.

Taian Areru 45:4

Ko na buti ma te mimitong i aoni baom nakon te tokanikai, i bukin te koaua, te nanoanga, ao te eti. A na reke am tokanikai aika ab'ab'aki i bukini korakoram.

Taian Areru 66:3

Kam na kaangai nakon te Atua, “Ai kamimiira am M'akuri aika Ko karaoi! E korakora M'aakam, ma ngaia ae a bobaraaki aiam i m'aim b'a a makuko.

Taian Areru 84:5

A kab'aia akana reke korakoraia mairoum, Akana e korakora i nanoia te kani m'ananga n nakonako nakon te maunga are Tion.

Taian Areru 85:4

Te Atua ae ara tia kamaiu, Ko na kaoka kab'aiara ngkoa nakoira, Ao katoka aki kukureim iroura.

Itaia 37:36

E kanakoa te anera te UEA nakon aia kaemb'a kaain Aturia, ao e tiringiia tebubua waningaun ma niman tengaa te aomata n teuana te tairiki. N te bong are i mwiina, ao e a onrake te maeka arei n taiani mate.

Itaia 45:22

“I kaooa te aonnaba ae e b'anin b'a e na rairaki nako iu ao e na maiu. Bon ti te Atua Ngai! Akea riki te Atua ni koaua.

Itaia 51:5

A ingainga n tataningaai b'a N na kamaiuia aomata ake a maeka n taabo aika a raroa nako i nanon te marawa. I korakora ao I tauraoi; N na roko ni kamaiungkami n te tai ae e waekoa ao N na tautaekaniia botannaomata ni kabane.

Itaia 60:5

Ngkana kam noora te b'ai aei, ao a na uremangangaa matami, e na bukibuki manawami ao kam na onrake n te kakatonga. A na bane ni uotaki nakoim baika a kakaawaki man taabo aika a raroa nakoa i aoni marawa ao kaub'aia botannaomata nako.

Itaia 66:19

man kakoauaan te b'ai ae I konaa ni karaoia. N na karokoia taiani nikira ni maiu mai Taretiti, Bura, Ruuta, Meteka, Tubara, Iawan, ni karokoa abam'akoro ake a raroa nako. N na kanakoia b'a a na katanoataa mimitongiu ae e kamimii nakoia botannaomata nako aika a tuai man ongongo taekau.

Teb'ania 2:11

Ana kab'ainrangaki iroun te UEA. E na kakerikaaki m'aakaia antiia te Atua ao ana riki n akea bonganaia. Ao botannaomata ana taromauria te UEA n oin abaia n tatabemaniia nako.

Akai 2:23

Ma ko na tuanga au tia m'akuri are Terub'abera b'a I a tia Ngai ae te UEA ae Moan te M'aaka n rineia, b'a e na tautaeka n arau.

Tekaria 9:10

Boni Ngai ae te UEA ae N na uoti nako kaani buaka ao taian aoti mai i Iteraera ao Ierutarem. A na uruaki taiani kainikatebe ake a karaoaki i bukin te buaka. N na karokoa te rau i aoia botannaomata nako, ao e na tautaeka ami uea man taari nakon taari. E moa abanueana man te Karaanga are Iuberetiti ni kabuta te aonnaba.

I-Rom 2:5

Ma ngkai a matoatoa nanomi n rawa ni kani kaetaki, ao kam kaikoa te un nakoimi nakon te bong are e na kaotaki iai unin te Atua ma ana motiki-taeka ae eti.

Te Tua-Kaua 10:21

Aanga ami nebonebo nakoina, b'a kam a tia n nooria ni karaoi kakai aika kakamaaku i bukimi.

Te Kaotioti 16:5

Ao I ongo b'anaan aneran raan, b'a e kaangai, “Ko eti n am moti i bukini baikai, Ngkoe ae Ko tabu, are iai ngkai ao iai ngkoa.