Taian Areru 65:3 - Te B'aib'ara

³ i bukin aia bure. Ti a aki konai moan ara bure, Ma Ko boni kab'arai naba.

Taian Areru 65:3 ပူးပေါင်းရင်းမြစ်များ

1.Uea 9:3

Ao E taku te UEA: I ongo am tataro b'a te b'ai are ko butiai b'a N na karaoia. N na taromauriaki n taai nako n te Tembora ae ko karaoia aei. Bon Au b'ai, ao N na bon tarataraia n taai nako.

2.Uea 19:20

Ao e nako Itaia ni kawara Etekia ma n tuangnga te b'ai are E taekinna te UEA ae Atuan Iteraera: Etekia I ongo am tataro i bukin Tennakeriba are uean Aturia.

2.Uea 20:5

ao E kaokia te UEA nakon Etekia ma te rongorongo ae kaangai: Etekia, bon Au tia tautaeka ngkoe i aoia au Aomata, ao boni Ngai te UEA ae te Atua, are E taromauriaki iroun am bakatibu are Tawita. I ongo am tataro, ao I nooriko ngke ko tang. N na boni kamarurungko, b'a ko aonga ni konaa ni manga taromauriai n au Tembora i mwiin tenibong mangkai.

Taian Areru 38:4

A rangi ni bati au bure, Ai aron te ieka ae I a b'ab'a iai; a rangi n rawaawata n te uotaki.

Taian Areru 40:12

A bati kaangaanga aika otab'aniniai, a riao m'aitiia! A taonai nako au bure aika bati, ao akea te bae I kona n noria; a m'aiti riki nakon iran atuu, ao e a b'ara nanou.

Taian Areru 51:7

Kaitiaki au bure mairou, ao I a itiaki iai. Tebokai, ao N na mainaina riki i aon te tinoo.

Taian Areru 79:9

Te Atua ae ara tia kamaiu, buokira; Kamaiura ao kab'arai ara bure b'a e aonga ni karineaki aram.

Itaia 6:7

E riinga riau n te kooro are e kabuebue ao e taku, “E a tia ni boo ma riam. A kab'araaki am bure, ao akea am bure.”

Itaia 66:23

Ni moanibongin te Toa ae Moan Otin Nam'akaina ao ni katoa Taabati, a na bane aomata nako n taromauriai. Bon aio au taeka Ngai ae te UEA.

Ieremia 16:19

Ara UEA, boni Ngkoe ae Ko anganai te korakora ma ni kaawakinai kaanga te nono ngkana I reke n te kangaanga. Ane a na roko aomata ni kawarai man taiani botannaomata aika a raroa nako ao a na kaangai, A taromauri anti ni kewe aika a akea manenaia Ara bakatibu.

Tekaria 13:1

E na reke te koburake n ran, ike a na teboki iai aia bure ma aia kaairua ana kariki Tawita ao kaain Ierutarem.

Ioane 1:29

N te bong are i mwina ao e nora Iesu Ioane ngke E nakoina, ao e taku, “Nora ana Tiibuteteei te Atua, ae uoti nako aia bure kaain aonnaba.

I-Karatia 5:17

B'a e bati ni kan eekaanako te Tamnei te rab'ata, ao E bati ni kan eekaanako te rab'ata te Tamnei; b'a a i kairiribai, b'a kam aonga n aki karaoi baika kam kani karaoi.

Ebera 9:14

ao ai bati ra riki kaitiakani mataniwin nanora mani m'akuri aika akea uaaia n raraani Kristo are anga Ngaia iroun te Tamnei are Raoiroi n aki totoki b'a te karea ae akea buakakana nakon te Atua, b'a kam aonga n toro iroun te Atua ae maiu!

Te Kaotioti 1:5

ao ami b'ai naba te akoi ma te raoi mairoun Iesu Kristo, are kakaonimaki, are te moa ni kamaiuaki mai buakoia maate are E manga uti mai buakoia maate, ao are aia Mataniwi uea i aonnaba. E tangirira, ao E kainaomataira man ara bure ni matena;