Taian Areru 64:7 - Te B'aib'ara

⁷ Ma E katebe nako ia kanoan ana kai ni katebe te Atua, Ao a kuba nako ngke a ikoaki iai.

Taian Areru 64:7 ပူးပေါင်းရင်းမြစ်များ

1.Uea 22:34

Ao i nanon tain te bo ni buaka ao iai temanna te tautia ae e katebe n aki akaaka ike e a teke naba iai te tabo teuana ae e uki i aon kunnikain Aaba are te kunnikai ni buaka ao e takaarua nakon teuare te tia kabuta ana kaanibuaka, “I a teke! Uotai kaotinakoai mai ikai.”

Iobi 6:4

E a tia te Atua ni katebeai n taian kainikatebe, ao e buta i nanon rab'atau boitinna. E katauraoa buakanakiu te Atua.

Taian Areru 18:14

Ao E katebe kanoan ana kainikatebe aika itiitini karawa, Ao E kauamaaeia ni kabirinakoia aiana.

Taian Areru 64:4

A aki maaku ao a aki tab'ara ni bakarereia iai aomata aika akea aia bure.

Taian Areru 73:19

A mate nabangkekei; A roko n tokiia ae kakamaaku.

Taeka n Rabakau 29:1

Ngkana ko teimatoa ni bonotaninga ngkana ko a tia n anganaki taiani kauring, ao ane ko na kubanako ni kunea b'a ngaia ko a tia n rangi n raroa nako.

Taeka n Rabakau 6:15

Ma ane a na oreaki n taian kabuanib'ai aika a karina ao ane a na tiku n akea aia kaantaninga.

Te Minita 9:3

E bon rangi n aki riai b'a e na booraoi rikin te b'ai ae ti teuana nakoira n tatabemaniira nako. Ti bon tei ni baba, ao ti rangirang ngkai ti maiu, ao i mwiina ti a manga mate.

Itaia 30:13

Ti te bo te bure aei ma te tabwena are e karika waekoani b'akan ao maenikunin

Ieremia 17:9

Kam rangi ni kam'aam'ane ngkami aika kaain Iuta n te aro are kam a manga bon kananobabaingkami i bon iroumi, ao kam aki konaa ni bitaki.

Mataio 24:40

Ao ane a na mena uoman te mm'aane n te aba ae unikaki: e na uotaki nako temanna, ao e na katukaki temanna.

Te Tua-Kaua 32:23

N na karokoi taian kabuanib'ai aika bati aika a na ewari ngkami n aron te kainikatebe.

Te Tua-Kaua 32:42

A roko nanoia au kanoanikatebe n nimakin raraaia kairiribai; ao au kabaang e na katoong irikoia ma raraaia kairiribai. E na tiringiia buure, ma ni korei ni kanakoi atuuia aia taani kairiiri.