Taian Areru 63:3 - Te B'aib'ara

³ E raoiroi riki am Atataiaomata nakon te maiu, Ma ngaia ae I riai n neboiko.

Taian Areru 63:3 ပူးပေါင်းရင်းမြစ်များ

Taian Areru 21:6

Ko kakab'aiaa n taai nako, ao e kaonaki n te kukurei ni memenam i rarikina.

Taian Areru 30:12

Ma ngaia ae N aki kainab'aabu, Ma N na anenea karaoiroam, Ngkoe ae te UEA ae Atuau. N na anganiko kamoamoaam n aki toki.

Taian Areru 30:5

E rangi ni kimototo tain unna, ma e tei maan ana akoi i aoni maiun te aomata. A waanako rannimata ni kangainaa, ma e oneaki mwina n te kakatonga n te ingabong.

Taian Areru 4:6

A bati aika a tataro ni kaangai, “Kakab'aiaira te UEA. Ao kaota raoi ootan am Atataiaomata i aora!”

Taian Areru 42:2

E korakora tangiram irou, te Atua ae ko maiu. N ningai ae N na roko iai i matam n taromauriko?

Taian Areru 51:15

Buokai b'a N na taetae, Ao N na neboiko.

Taian Areru 66:17

I weteia b'a E na buokai; I anene ni kamoamoaa.

Taian Areru 68:25

A ri moa taan anene, ao a rimwiaki irouia ateiaine ake a ororei ni katang aia b'ai ni katangitang, ao taani katangitang mai buki.

Taian Areru 69:16

Te UEA, Ko na ongo irou, n raoiroin am Tangira ae teimatoa; Ko na tanimai nako iu ni m'aitin am Nanoanga!

Taian Areru 96:6

Iai te karineaki ma te mimitong i Rouna, Ao te korakora ma te tamaroa n ana Tembora ae Tabu.

Te Otinako 33:18

Ao e manga taku Moote, “I tataro b'a Ko na kariaia b'a N na nooriko ma mimitongim ni kabane.”

Otea 14:2

Rairaki nakon te UEA ao kaangai, “Taiaoka ni kab'arai ara bure. Butim'aai ara karea aika a raoiroi i bukin ara nebo n onea mwiin taian kaom'aane.

I-Rom 12:1

Ma ngaia aei, taari, i bukin aron te Atua n nanoanga ae bati, ao I bubutingkami b'a kam na angan te Atua rab'atami b'a te karea ae maiu ae itiaki, ae E na kukurei iai; b'a aei aromi ae riai ae E kaantaningaia te Atua b'a kam na anganna.

I-Rom 6:19

I taetae n ai aroia aomata i bukini mamaran ami atatai; b'a aromi ngke kam anga b'ain rab'atami ngkoa b'a kaanga ana toro te kammaira ma te akiako n akea tuaami iai, ao ai aromi naba ngkai, b'a kam na anga b'ain rab'atami b'a tooro i bukini karaoan te eti, b'a kam aonga n riki b'a ana aomata ni koaua iai te Atua.

1.I-Korinto 6:20

B'a kam kaboaki, ao e a tia ni b'aka boomi; kam na neboa te Atua n rab'atami.

I-Biribi 1:23

Ma e katikaki nanou ni baika uoua, b'a I kan nako ni mena irouni Kristo; b'a moan te raoiroi aei.

Ebera 13:15

Ma ngaia ae i nanon Iesu ao ti na tai toki n anga te karea ae karaoiroan te Atua, ae te karea ae ti anga ni wiira aika kaotiota onimakinan arana.

1.Ioane 3:2

Ngkami aika kam tangiraki, bon natin te Atua ngaira ngkai; ao e tuai ni kaotaki b'a terana arora rimwi. Ti ataia, b'a ngkana E a manga oki Kristo, ao ti na katotonga arona, i bukina b'a ti na nora arona ni koaua.