Taian Areru 63:11 - Te B'aib'ara

¹¹ Ma e na kim'areirei te uea iroun te Atua; Ao a na kamoamoaa akana taetae n tuea n arana; Ma a na kainaki wiia akana atoatonga te kewe.

Taian Areru 63:11 ပူးပေါင်းရင်းမြစ်များ

Iobi 5:16

E anga te kaniwanga nako ia aika akea aia b'ai, ao E katoki karongoaaia aika buakaka.

Taian Areru 107:42

A nora aio akana raoiroi ao a kukurei iai, Ma akea aia taeka iai akana buakaka.

Taian Areru 2:6

“I a tia ni kamaekaa au king i Tion, are au Maunga are Tabu.”

Taian Areru 21:1

Te UEA, e kukurei te king i bukina ngke Ko anganna te korakora ao e kakatonga b'a e tokanikai i aoia aiana.

Taian Areru 31:18

Kaini wiia taani kewekewe, ake a taetae ni kainikatonga n taku b'a akea manenaia aomata aika raoiroi.

Taian Areru 44:20

Ngke arona b'a ti katoka taromaurian Atuara ao n tataro nakon te atua ae Ianena,

Itaia 19:18

E a roko te tai are e na taetae te aba iai n Ebera ni kaawan Aikubita ake nimaua, ao a na riki kaaina b'a taan onimakina te UEA. E na aranaki kaawana teuana b'a kaawan Taai.

Itaia 45:23

I a tia ni karaoa te berita ae e matoa, ae akea temanna ae e konaa n urua; A na bane ni boobaraaki aomata ni kabane ma n taromauriai.

Itaia 65:16

Kaain te aba ane e bubuti kakab'aiakina, e na tuangaki b'a e na kakab'aiaki mai roun te Atua ae e kakaonimaki. Ane e taetae ni bau e na taetae ni bau n aran te Atua ae e kakaonimaki.

Ieremia 18:21

Ma ngkai I a butiko b'a Ko na kamateia natiia n te baki ke ni kamateia n te buaka. Kakeai buuia ma natiia mm'aane aine nako n te aoraki ao te tiritiri.

Teb'ania 1:5

N na kamaunaia ake a tam'arakei taubukin aia auti man taromauriia taai, nam'akaina, ao taian itoi. N na kamaunaia naba ake a taromauriai man berita b'a ana kakaonimaki nako iu, ao a manga rairaki nakon te anti are Marekam.

I-Rom 3:19

Ma ti ataia b'a b'aai ni kabane ake a koreaki taekaia n te Tua bon i bukiia te koraki ake a mena i aan te Tua, b'a a aonga n tukaki aomata nako b'a a na aki karaoi aia taeka aika a na reke aonaia iai, ao a na bane ni motikaki taekaia iroun te Atua.

Te Tua-Kaua 6:13

Taromauriia, ao ongotaeka iroun te UEA ae Atuami ma te maaku ao te ruru, ao berita b'a kam na kakaonimaki nakoina.

Ebera 6:13

Ngke e anganaki Aberaam te taeka n akoi iroun te Atua, ao E tuea i bon i Rouna, ngke akea riki temanna ae kakannato riki nako Ina are E kona ni kamanena arana ngkana E tuea;

1.Tamuera 23:17

ao e taku nakoina, “Ko na aki maaku. E na bon aki konaa n tiringko tamau are Tauro. E a ataia raoi b'a boni ngkoe ae ko na riki b'a uean Iteraera ao Ngai N na riki b'a am kauoman.”

1.Tamuera 24:20

Ngkai I bon ataia b'a ko na uea i aon Iteraera ao e na reitinako te abanuea anne i aan am tautaeka.