Taian Areru 62:8 - Te B'aib'ara

⁸ Kam na onimakina te Atua n taai nako, ngkami aika au aomata. Tai toki n tuangnga ami kangaanga ni kabane, b'a Ngaia nera ae ti rau raoi iai.

Taian Areru 62:8 ပူးပေါင်းရင်းမြစ်များ

Iobi 13:15

A bane ni bua au kantaninga, ao tera ngkana arona b'a E tiringai te Atua? B'a N nang kaeta taekau nako Ina.

Taian Areru 102:1

Te UEA, ongo au tataro, ao ongora ni b'anaan au bubuti!

Taian Areru 142:2

I taekin nakoina baika I aki rau iai; I tuangnga au kaangaanga ni kabane.

Taian Areru 18:2

Bon au b'a ni katantan ae rietaata ngkoe te UEA; Bon au nono ae matoatoa, ao te tia kamaiuai ngkoe; Bon Atuau ae nneu ni katanai ae I raba raoi i rouna; mairouia taan ribaai;

Taian Areru 3:4

I kanenea b'anaau n tataro nakoim te UEA, ao Ko kaekaai man am Maunga are Tabu.

Taian Areru 37:3

Onimakina te UEA, ao karaoa ae raoiroi; Ko na maeka ma te rau raoi i aon te aba.

Taian Areru 42:4

E uruaki nanou ngke I uring boong ake a tia n nako: Ngke I m'ananga ma aomata aika bati, ni kairiia nakon um'an te Atua; Ao a anene ma te b'ana ni kakatonga ma n nebonebo nakon te Atua.

Taian Areru 46:11

Bon raora te Atua ae Moan te M'aaka, Bon otangara Atuan Iakob'a.

Taian Areru 46:2

Ma ngaia ae ti na aki maaku, e ngae ngkana e m'aeiei aon te aba, ao a b'aka maunga i nanoni marawa;

Taian Areru 71:7

E a riki maiu b'a te banna ni katoto nakoia aomata aika bati, i bukina b'a Ko a tia n riki b'a te tia kamanoai Ngkoe ae matoatoa.

Taian Areru 91:2

E na kaangai nakoina, Bon te tia katanai ao te tia kamanoai Ngkoe. Bon Atuau Ngkoe; I onimakiniko.

Taian Areru 94:22

Ma E kamanoai te UEA ae Atuau man te kabuanib'ai, Ao E kawakinai.

Taeka n Rabakau 14:26

Ngkana kam karinea te UEA ao e a reke ami nono ae e matoatoa ngkoe ma ami ataei

Itaia 26:16

Ngkana ko katuaaia ara aomata, ao a rairaki man tataro nakoim, ara UEA.

Itaia 26:4

Ma ngaia are, onimakina te UEA n taai nako b'a bon ara b'aa ae e korakora

Itaia 50:10

Bon akea mairoumi ae e karinea te UEA ke n ongotaeka nakon ana tia m'akuri. Ko nakonako n te roo ao tiaki te oota; ko aki onimakina aran te UEA ae Atuam.

B'aeb'aeti 2:19

Teirake n tang ni katoa tairiki nakon te UEA; Kaotii b'aai ni kabane nakon te UEA, ao butiia b'a e na nanoangaia am ataei Ataei ake a mate ni baki i nukan te kaawa!

I-Biribi 4:6

Kam na tai iangoa te b'ai teuana n raraomaeakinna; ma a na kaotaki ami bubuti nakon te Atua ni b'aai ni kabane, n te tataro ni bubuti ae raonaki ma te katituaraoi.

Ebera 6:18

b'a ti aonga ni karekea kakorakoraan nanora ae bati ni baika uoua aikai aika aki bibitaki, aika ti aki kona ni keweaki iai iroun te Atua, ngaira aika ti biri nako b'a ti na taua te kaantaninga are kamenaki i m'aira.

1.Ioane 2:28

Ma ngaia aei, ngkami aika ataei aika kam uarereke, kam na nim ma Ngaia; b'a ngkana E a manga oki Kristo, ao ti na aki maaku ma ni kaota ae ti rangi ni mamaa i Rouna i matana.

1.Tamuera 1:15

“Teuaei, tai iangoia b'a I aki raoiroi!” E kaeka Nei Anna. “I aki manging. I bon aki momooi manging.