Taian Areru 62:12 - Te B'aib'ara

¹² ao e teimatoa au tangira. Boni Ngkoe, te Uea, ae Ko angania aomata n tatabemaniia nako booni mwin aia m'akuri.

Taian Areru 62:12 ပူးပေါင်းရင်းမြစ်များ

1.Rongorongo 29:12

ao ko tautaeka ma te m'aaka ao e tanoata taekam.

Iobi 33:14

E ngae ngke E aki toki n taetae te Atua n taai nako, ma bon akea ae katabea nanona n te b'ai ae E taekinna.

Iobi 34:11

E anganiia aomata kaniwangaia n te b'ai are a boni karaoia, ao E karaoa nako ia te b'ai ae bon riai n reke nako ia.

Iobi 37:23

E rangi ni korakora m'aakan te Atua n te aro are ti aki kona ni kaaniia; E rangi n raoiroi man eti raoi nako ira.

Iobi 9:19

Tao N nang imanono? N nang imanonoa te Atua? I kona ni kateia n te kabowi? Iai ae kona ni kam'ananga nakon te kabowi?

Taian Areru 103:17

E teimatoa ana ataataiaomata te UEA nakoia akana karinea; Ao E teimatoa arona n raoiroi nakon te rorona ma te rorona

Taian Areru 103:8

E nanoanga te UEA ao E tatangira; E iremwe n un ao E on n te Tangira ae Teimatoa.

Taian Areru 86:15

Ma Ngkoe, te UEA, bon te Atua n nanoanga ma n tangira; Ko aki kakai un, ao Ko b'ab'aina te te ataataiaomata ma te koaua.

Taian Areru 86:5

Te UEA, Ko raoiroi ao Ko kab'ab'arai buure; E bati am Tangira nakoia akana tataro nakoim ni kabaneia.

Taeka n Rabakau 24:12

Tai kaangai, “I aki ataia!” E konaa n ataa nanom te Atua. E tarataraira ni tatabemaniira nako ao e atai ara iango. Ao e na manga kabooa mwiin are ti karaoia te Atua.

Ieremia 32:19

Ko karaoi am babaaire ni wanawanam ae e korakora, ao Ko karaoi b'aai aika a korakora ni kabane aika Ko a tia ni baairei ni m'aakam ae e korakora. Bon akea te b'ai teuana ae ti konaa ni karaoia ni karabaa mai matam, ao Ko anganiira kaniwangara ke ni katuaaira n aron are e bon riai n reke nakoira.

Etekiera 18:30

N na motikitaekami n tatabemaningkami nako ni kaineti ma te b'ai are kam a tia ni karaoia. Ma ngaia ae kam riai ni katoka karaoan ae e bure, b'a kam kaawa ni bon katuaaeaki.

Etekiera 33:20

Ma a bon teimatoa naba n taku Iteraera b'a e aki eti ae I karaoia. Ma ngaia ae ko na kauringiia b'a a na bon katuaaeaki i bukin te b'ai ae a tia ni karaoia.

Etekiera 7:27

Ao a na bon bua naba aia kaantaninga ami uea ma ami mataniwi nako ao a tang ni korakai. Ane a na ruru baimi i bukin korakoran te maaku. N na katuaaingkami i bukin ami bure ao N na bon karaoa naba nakoimi aron are I a tia ni karaoia nakoia tabem'aang. Ao ane kam na ataia iai b'a bon te UEA Ngai.

Taniera 9:18

Ongo iroura te Atua; taraira ao noori ara kaangaanga aika ti mena i buakoia, ao rawaawatan te kaawa are e uouota Aram. Ti tataro nakoim i bukina b'a Ko akoi, tiaki i bukina ngke ti a tia ni karaoa te eti.

Taniera 9:9

Ko akoi ao Ko kakab'arabure, e ngae ngke ti aki toki ni kakaaitarako.

Mika 7:18

Ara UEA bon akea riki n ai arom, te UEA; Ko kab'arai aia bure am aomata ake nikira ni maiu. Ko aki kakamaana unim, ma Ko kukurei riki ni kaota Am tangira ae e teimatoa nakoira.

Mataio 16:27

B'a ane E na nakomai Natin te aomata ma ana anera i nanoni mimitongin Tamana; ao ane E na angania aomata ni kabaneia booni mwin aia m'akuri.

I-Rom 2:6

B'a E na bon angania aomata nako booni mwin aia m'akuri.

1.I-Korinto 3:8

Akea kaokoron te aomata are unika te aroka ma te aomata are teboteboka te aroka; ao ane a na anganaki n tatabemaniia booia n ai aron te m'akuri are a tia ni karaoia.

2.I-Korinto 5:10

B'a ti na boni bane ni kateaki i matan ana kaintoka ni motikitaeka Kristo, b'a e aonga n anganaki temanna ma temanna booni mwin ana m'akuri ni kabane ake e a tia ni karaoi n rab'atana, aika baika raraoi ke a bubuaka.

I-Ebeto 6:8

Kam bon ataia b'a e na reke nakon temanna ma temanna boona mairoun te UEA n te m'akuri ae e raoiroi are e karaoia, n aki warekaki b'a te toro ngaia ke te inaomata.

I-Korote 3:25

B'a ane karaoa ae buakaka ao e na karekea booni mwin ana m'akuri, ao akea te aomata ae na nanonaki.

1.Betero 1:17

Ao ngkana kam atonga Teuare motiki taekaia aomata nako b'a Tamami n ami tataro, are Teuare aki nanonano b'a E motika taekan te aomata ni kaeti ma aron te baere e karaoia, ao kam na kabane ami bongi ni maiu i aon te aba aei ni maku.

Te Kaotioti 22:12

“Noria, ae N na waetata n roko ma uotau te bae N na anga nakoia aomata ni kabaneia ni kaeti ma aron aia m'akuri nako.