Taian Areru 61:7 - Te B'aib'ara

⁷ E bia tautaeka n aki toki i aan am Kairiiri, te Atua; Ao iriani maiuna bon am Atataiaomata ma am Kakaonimaki.

Taian Areru 61:7 ပူးပေါင်းရင်းမြစ်များ

Karikani B'aai 24:27

Ao e taku, “E na neboaki te UEA, ae Atuan au toka are Aberaam, ae bon kakaonimaki ni kakoroa bukin ana Berita ma au toka. E a tia ni kairai raoi te UEA nakoia ana koraki au toka.”

Karikani B'aai 32:10

Akea bonganan au m'akuri aika raoiroi ake I a tia ni karaoi ngai ae am toro. I ri aon ngkoa te Ioretan ti man te oko, ao ngkai I a oki ma au koraki aika uakoraki aikai, n ikotaki ma au nanai ni maan aika kawakawa.

2.Tamuera 7:26

Ao ane E na tanoata iai taekam n aki toki, ao ane a na bane ni kaangai aomata, “E tautaekana Iteraera te UEA ae Moan te M'aaka, ao ana uea aika e rineia bon Tawita ma ana kariki nako.”

Taian Areru 21:5

E rangi ni karineaki te uea; Ko a tia ni buokia b'a e na kakannato taekana ma ni mimitong.

Taian Areru 40:11

Te UEA, I ataia e na bon aki kona n toki am nanoanga nako iu; N na kawakinaki raoi iroum, B'a Ko tangirai ao Ko kakaonimaki nako iu.

Taian Areru 41:12

Ko buokai i bukin ongeabau nako Im, Ao Ko na katukai i rarikim n taai nako.

Taian Areru 43:3

Ko na kanakoa am Oota ma am Koaua. A na kairai, nakon am Tembora, are mena n am maunga are tabu.

Taian Areru 57:3

E na kaekaai mai karawa ao E na kamaiuai. E na katae aia kai taan ribaai. E na kaota nako iu arona n ataataiaomata ma n onimakinaki.

Taeka n Rabakau 20:28

A kaawakinaki taan tautaeka n ana akoi ma ana kakaonimaki te Atua, ma a riai ni b'aina te akoi b'a e aonga n teimaan abanueaia.

Mika 7:20

Ko na kaota Am kakaonimaki ao Am tangira ae e teimatoa nakoia Am aomata, aika kanoaia Aberaam ao Iakob'a, n ai aron are Ko berita iai ngkoa nakoia ara bakatibu.

Ruka 1:33

Ao ane E na uea i aoia aomata nako ake a riki mairoun Iakob'a; ao e na akea tokin ueana!”

Ebera 9:24

B'a Kristo E aki rin nako nanon te tabo are tabu, are e karaoaki ni bain te aomata, ao are katotongan te oi ni b'ai ni koaua; ma E bon rin i karawa, b'a E aonga ni kaoti i matan te Atua i bukira.