Taian Areru 60:7 - Te B'aib'ara

⁷ Bon abau Kireata, ao abau naba aban Manate; otangan atuu Eberaim, ao Iuta ai aroni m'akau n tautaeka.

Taian Areru 60:7 ပူးပေါင်းရင်းမြစ်များ

Karikani B'aai 49:10

E na taua te oko ni uea Iuta i nanon baina, Ao a na teimatoa n tautaeka kanoana. A na anga te m'ane botannaomata nako ina Ma ni bobaraaki, ao n ongotaeka i rouna.

1.Rongorongo 12:19

Taani buaka tabeman man te baronga are Manate a nako n raona Tawita. A tia n ira Tawita ngke e buaka ngkoa man aia itera kaain Biritia ni kaaitaraa te uea are Tauro. Ma ni bon te tai are a ataia iai kaain Biritia b'a e na kona ni manga buakaniia man raona Tauro, ao a kanakoa nakon te kaawa are Tikeraka.

1.Rongorongo 12:37

Kata ao Manate Mainiku bon 12,000, ake a toa ma aia b'ai ni buaka n aekaia nako.

Taian Areru 108:7

E a tia n taetae te Atua man ana Tembora ni kaangai, “N au tokanikai ao N na tib'a Tekem ao N na tib'atib'a nanon te m'arua are Tukota n anga nako.

Te Tua-Kaua 33:17

A kakannato ao a kakamaaku n aron te kaom'aane ke te kao ae aki manana, aia taanga ni buaka Eberaim ao Manate a na ewariia botannaomata aika raroanako n aia kainiwai.

Iotua 13:31

Ao Moote e angan kaaingan iteran te baronga are Manate, ake kanoan Makira are natin Manate abaia are iteran Kireata ma kaawa aika Atiterota ma Eterei are atuun ana tautaeka te uea are Oka i Batian.

Iotua 17:1

Mai buakon aaba ake i maeaon te Ioretan a bon anganaki tabeman man utuun nako ana kariki ana karimoa Ioteb'a te m'aane are Manate. Makira, are taman Kireata, ao bon ngaia temanna mai i buakoia tautia aika a rangin ninikoria, ngaia are e anganaki Kireata ao Batian, ake i mainikun te karaanga are te Ioretan b'a abana.

1.Tamuera 28:2

Ao e kaeka Tawita ni kaangai, “Eng, ti bon koaua. Bon am toro ngai ao ko na bon nooria ni matam te b'ai ae N na karaoia.” E taku Rakiti, “E tamaroa! N na karikiko b'a te tia tararuai ae e matoa.”