Taian Areru 60:6 - Te B'aib'ara

⁶ E a tia n taetae te Atua man ana Tembora are Tabu ni kaangai, “N te tokanikai ao N na koro-m'akoroa aon Tekem ao N na tib'aa nako nanon te M'arua are Tukota nakoia au Botannaomata.

Taian Areru 60:6 ပူးပေါင်းရင်းမြစ်များ

Karikani B'aai 12:6

Ao e m'ananga Aberam ni karokoa a roko n te Oke ae tabu are ana Oke More, are e mena n te tabo ae tabu are i Tekem. (A maekana te aba aei aomatan Kanaan n taai aikai.)

2.Tamuera 3:18

Ma ngaia are, kam riai ni karaoa anne! B'a E a tia n taekinna te UEA b'a E na kamanenaa Tawita ni kamaiuia Iteraera mairouia aia kairiribai, ma ai moara ra riki mairouia kaain Biritia.”

Taian Areru 119:162

I kim'areirei n am Taeka, n ai aron temanna ae reke i rouna baika rangi ni kakawaki.

Taian Areru 132:11

Ko a tia ni kab'aka am Taeka ni bau nakon Tawita am berita ae Ko na boni kakoroa bukina: “N na karika temanna irouia natim m'aane b'a te uea, Ao e na onea mwim n tautaeka.

Taian Areru 56:4

I onimakina te Atua ao akea te b'ai ae N na makua iai; I kamoamoaa i bukin ana taeka. Tera ae e kona ni karaoia te aomata nako iu?

Taian Areru 89:19

Ko taku n taai ake ngkoa i nanoni te mii nakoia am Toro ake a kakaonimaki, “I a tia ni buoka te tautia ae bati n ataaki; I a tia n anga te kaintokanuea nakon temanna ae I rineia mai buakon te botannaomata.

Taian Areru 89:35

I a tia n tuea ao N na boni kakoro bukin au taeka ngkai te Atua Ngai: B'a N na bon aki kona ni kewe nakon Tawita.

Ieremia 23:9

Ngkana I iangoia burabeti, ao I tiaoki, ao I ruru ni maaku kaanga aron temanna ae e koronimanging, i bukin ana taeka te UEA ma Ana taeka aika a tabu.

Amota 4:2

E a tia ni berita te UEA ae E m'aaka man rietaata ao E taku, “E na bon roko te bong are e na katikiko n te matau, ao ngkami ni kabane kam na riki kanga ai aron te ika i tabon te matau.

Iotua 1:6

Ko na korakora ao ko na ninikoria b'a ko na riki b'a aia tia kairiri aomata aikai ni karokoa te tai are a na tekateka raoi iai n te aba are I a tia ni berita b'a N na anganiia aia bakatibu.

Iotua 13:27

Ao Kata e reke i rouna iteran te Ioretan are mai mainiku, are e tautaekanaki ngkoa i roun te uea are Taion, are maeka i Etibon. E biri nako iaang te aba aei n toki n namani Kariraia ao a reke i nanona kaawa aika: Beta-aram, Beta-nimra, Tukota ao Tabon.

Iotua 17:7

Tian abaia te baronga are Manate mai Atera nako Mikemetata, mainikun te kaawa are Tekem. Ao te tia e a manga biri nako aiaki ni kariniia iai aomatan En-tabua.

Iotua 20:7

Ma ngaia are Iteraera a rinei tenua kaawa ni kamauri i maeaon te karaanga are te Ioretan. Aikai kaawa akanne: Keteti i Kariraia n aaba ake a tabukibuki i Nabetari, Tekem n aaba ake a tabukibuki i Eberaim, ao Eberon n aaba ake a tabukibuki i Iuta.

Iotua 24:1

E a bootia barongan Iteraera ni kabane Iotua i Tekem. E weteia unim'aane ma taan kairiri, ma taan moti, ma b'akuakun Iteraera ni kabane b'a a na ikotaki i matan Ana Ati ni Berita te UEA.

Iotua 24:32

A uoti riin Ioteb'a aomatan Iteraera mai Aikubita, ao a taunna i Tekem are te m'akoro n aba are e kabooa Iakob'a ngkoa n tebubua te m'akoro n tirewa mai roun natin Amora are taman Tekem. E b'ainaki te m'akoro n aba aei i rouia kanoan Ioteb'a.