Taian Areru 60:4 - Te B'aib'ara

⁴ Ko a tia ni kanakoa am Taeka ni Katauraoi nakoia ake iai karineam irouia, b'a a aonga ni maiu man te kabuanib'ai ngkana e roko.

Taian Areru 60:4 ပူးပေါင်းရင်းမြစ်များ

Taian Areru 20:5

Ao ti na takaakaa ni kim'areirei i bukin am tokanikai; ao ti na kamoamoaa te Atua ni katioan am maniua n tokanikai. E na kaekai am bubuti ni kabane te UEA.

Taian Areru 45:4

Ko na buti ma te mimitong i aoni baom nakon te tokanikai, i bukin te koaua, te nanoanga, ao te eti. A na reke am tokanikai aika ab'ab'aki i bukini korakoram.

Te Otinako 17:15

Ao e katea te baonikarea Moote, ao e aranna ni kaangai, “Bon au man n tokanikai te UEA.”

Ana Anene Toromon 2:4

Ko kairai nakon am ru i bukin am baka n am'arake ao ko kab'aroa am tangira.

Itaia 11:12

E na anga ana kanikina nakoia botannaomata akanne, ao e na manga ikotiia taan rawei maiuia mai Iuta, ake a tia ni uamaae nako i aon te aonnaba ni kabutaa.

Itaia 13:2

Ko na anga te kanikina, takaarua n anga te babaaire n te tabo ae e rietaata i aon te tabuki ae akea arokan aona, ao kotea te kawai n rin nakon aia mataroa taan tautaeka aika a kamoamoa i B'aburon.

Itaia 49:22

E taku te UEA ae te Atua: “N na anga te kanikina n te tai ae e waekoa nakoia botannaomata nako b'a a na kaokiia natimi m'aane ao natimi aine nako nanoni bain Ierutarem.

Itaia 5:26

E a tia n anga ana kanikina te UEA nakoia botannaomata ianena b'a a na roko ni buakaningkami. E a tia ni katang, ao ae a roko ni kawaekoaia.

Itaia 59:19

E na buaka kaanga te ieka i nanon te angibuaka ae e korakora. Ane a na karinea ma n neboa arana ae e kamimii botannaomata ake i maeao ao i mainiku.