Taian Areru 60:2 - Te B'aib'ara

² Ko a tia ni kam'aeieia aon te aba, ao Ko a tia naba ni bwenauaia ni kaukia; katoka ikoakina ngkai, b'a ae e nang aki reke arona.

Taian Areru 60:2 ပူးပေါင်းရင်းမြစ်များ

2.Tamuera 22:8

E m'aiei te aonnaba ao I ruru! A ioioaki n aki akaaka bouani karawa. Ko un ngkoa

2.Tamuera 8:1

Tabeua te tai i mwiina, e buakana Biritia Tawita ma ni kataenikaiia raoi. E a inaomata ngkai Iteraera man tautaekanakiia irouia.

1.Rongorongo 18:12

Ao e kataenikaia aia taanga ni buaka kaain Etom Abitiai are natin Teruia n te M'arua are Taoro man tiringiia tebwi ma wanua tengaa man aia taanga ni buaka.

1.Rongorongo 18:3

Ngke e kataia uean Tob'a are Ataretera n taua taekan te aba are i rarikin te Karaanga are Iuberetiti, ao e kawaria Tawita ni buakanna i Amata ao e kataenikaia.

1.Rongorongo 18:5

Ao ngke e roko te taanga ni buaka man te abanuea mai Tiria ake a roko mai Tamateko b'a e na buoka Ataretera, ao Tawita e tiringiia uabwi ma uoua tengaa mai buakoia.

2.Rongorongo 7:14

Ngkana a tataro ma te nanorinano au aomata man tanrikaaki nako iu mani katoka aia m'akuri aika a bure, ao N na kaekai aia tataro mai karawa. N na kab'arai aia bure mani manga kamaiureireia abaia.

Iobi 5:18

E bauti taian ikoaki te Atua ake bon mwiina; E kaikoakiko baina, ao E kamaiuko naba baina.

Iobi 9:6

E karokoa te m'aeiei, ao e ioioa te aba. E karurui taiani boua ake a tabeka aonteaba.

Taian Areru 104:32

E tara aonnaba, ao e m'aeiei; E riingi maunga, ao e ti rake te bubu.

Taian Areru 114:7

Ko na ruru, ngkoe ae aonnaba, i matan te Uea ae Atuan Iakob'a, ngkana e a roko ni kaan

Taian Areru 18:7

Ao e m'aeiei ma n ruru aonnaba; Ao a ingiing ni m'aeiei naba aani maunga, i bukin unin te Atua.

Taian Areru 89:40

Ko a tia n ururu oon ana kaawa ao Ko kamaenikun ana tabo ni karabaraba.

Te Otinako 15:11

“Te UEA, antai ae ai arom i buakoia atua? Antai ae katotongko n arom ae Ko tabu ma ni mimitong? Antai ae kona ni karaoi kakai ma m'akuri aika ab'ab'aki n aron am m'akuri?

Itaia 30:26

Ao i mwiina, e na bauti ikoakiia ana Aomata te UEA ma ni kamaoi ikoakiia ake e bon kariki. E na oota nako ootan nam'akaina kaanga ai aron ootan taai, ao e na oota taai itiua riki rakan ootana nakon aroarona mai m'aaina. E na karina n oota n ai aron ootan itiua te bong n te tai naba arei.

Itaia 5:25

Bon ana Aomata te UEA ngkami, ma kam a tia n rangi ni kaunna, ao e a oroingkami ni baina ae e m'aaka. A ruru taiani maunga, ao e onrake te kaawa ae e buubura n taiani mate kaanga taiani maange. E bon teimatoa naba n un te UEA, ao e tauraoi ni manga oroi riki ngkami.

Itaia 7:8

Bon ana kaawa n tautaeka Turia Tamateko, ao e tautaeka te Uea are Retin i Tamateko. Bon ana kaawa n tautaeka Iteraera Taamaria.

Ieremia 10:10

Te UEA, bon ti Ngkoe te Atua ni koaua ae e maiu. Ko na tautaeka n taai nako. E m'aieie te aonnaba ngkana ko un, ao a mauna nako botannaomata.

Ieremia 14:17

Ieremia, naako tuangiia aomata am namakin i aon te b'ai aei. Ma ngaia are, I tuangiia ni kaangai: “E na taonako rannimatau n te ngaina ma te bong, i bukina b'a a mate au botannaomata n te ikoaki ae e korakora.

Ieremia 30:17

Akea ae e tangiria n riki b'a raoraomi ke n tabe n te b'ai ae e riki nako imi. Ma N na kamaoi ikoakimi, ao kam na manga marurung.

Ieremia 4:24

A ruru taian maunga;

Ieremia 48:38

Akea te b'ai ae e karaoaki i aon taubukin autin Moaba ni kabane ao ni katawanangin nuukan te kaawa b'a ti te tang, i bukina ngke I a tia n urua Moaba kaanga te tiaeki are akea ae e tangiria.

B'aeb'aeti 2:13

O Ierutarem, ae ko bati n tangiraki, tera ae N na kona n taekinna? N na kangaa ni kabebeteko? Bon akea ae a tia n rawaawata n ai aron aei. Akea tokin rawawatam n ai aron marawa; akea ae konaa ni kamaiuko.

Etekiera 34:16

ma ni kakaaia ake a bua ma ni kaokiia ake a tiotio nako, ma ni bauti ikoakiia ake a ikoaki, ao n tararuai maiuia aika a mamaara. N na boni kamateia naba aika a marikarika ao a korakora, i bukina b'a I kakaaraoa ae e raoiroi n taai nako.

Otea 6:1

Ti a okira te UEA. E a tia n raeraeira ni kauarerekeira, ma E na kabaei ikoakira ao E na manga kamarurungiira.

Amota 8:8

Ao e na m'aeiei aonnaba, ao a na bane aomatan Iteraera n taonaki n te rawawata. E na ruru aonteaba, e na iabutirake ma ni manga ora nako n ai aron te karaanga are te Naire.

Ab'akuka 3:10

A na ruru maunga ngkana a nooriko, ao a na b'aro rikaaki raan mai karawa, ao raan ake i aan te aba, a na rurunga, ao a na tei naoia aika a rietaata.

Mataio 27:51

Ao noria, e raeuaki nakoni m'akoro aika uoua te kunnikai are rokin te ruu are tabu n te um'antabu, mai eta nako nano; ao e m'aeiei aon te aba, ao a tabwenaua taiani b'a;