Taian Areru 60:1 - Te B'aib'ara

¹ Te Atua, Ko a tia n ribaira, ao Ko uruira; Ko a tia n un iroura-ma an rairaki nakoira ngkai.

Taian Areru 60:1 ပူးပေါင်းရင်းမြစ်များ

2.Tamuera 10:16

E kanakoa ana rongorongo Atatetera ni kawaekoaia kaain Aram ake n iteran te Karaanga are Iuberetiti are teuana. Ao i mwiina, e kairiia Tiobaka are ana mataniwi n taanga ni buaka Atatetera, nakon te kawa are Eram.

2.Tamuera 5:20

Ao e buakaniia kaain Biritia Tawita ao e konaiia. Ao e taku, I taratara te UEA ngke e urua aia taanga ni buaka kairiribai kaanga te ieka ae e korakora.” Ma ngaia are, e arana te tabo arei b'a “E uruaniia te UEA”

2.Tamuera 8:14

Ao e katikuia ana taanga ni buaka ni kabutaa aon Etom, ao a kariaia kaain Etom ni karikia b'a aia tia tautaeka. E buobuoka Tawita te UEA n taabo nako ike e nako iai.

2.Tamuera 8:3

Ao e waaki nakon Tawita nakon te Karaanga are Iuberetiti ao e katea te kanuringa iai. E a manga kataenikaia uean Tob'a, are arana Atatetera are natin Reoba te m'aane.

2.Uea 14:7

E tiringiia 10,000 tautian Etom te uea are Amatia i nanon te M'arua are Taari. E taua te kaawa are Tera, ao e a manga aranna b'a Ioketeera, are ai bon arana naba ni karokoa te bong aei.

1.Rongorongo 18:3

Ngke e kataia uean Tob'a are Ataretera n taua taekan te aba are i rarikin te Karaanga are Iuberetiti, ao e kawaria Tawita ni buakanna i Amata ao e kataenikaia.

1.Rongorongo 28:9

Toromon ae natiu te m'aane, kona riai n taromauria te Atua ao ongotaeka i rouna ma nanom ni kabane ma am iango, n aron are I a tia ni karaoia. E atai am iango ni kabane ao bukin karaoan b'aai iroum, ao ngkana ko tang nakoina, ao E na ongo am tataro nako. Ma ngkana ko aki kubariia, ao e na bon aki tabeakiniko n aki toki.

2.Rongorongo 25:11

Ao i mwiina ngke e a manga reke korakoran Amatia, ao e a kaira ana taanga ni buaka nakon te M'arua are Taari, ike e a tiringiia tebwina te ngaa tautian Etom i nanon tain te buaka.

Taian Areru 108:11

Te Atua, Ko a rawa iroura? Ko a aikoa kan airi ma ara taanga ni buaka?

Taian Areru 44:9

Ma Ko a ribaira ao Ko katokanikaia aiara i aora; Ao Ko a aki kairiia ara taanga ni buaka.

Taian Areru 59:1

Atuau, Ko na kamaiuai mairouia taan ribaai. Kamanoai mairouia akana eekainako!

Taian Areru 59:11

Te Atua, tai kamateia, b'a a kaawa au aomata ni m'aninga taekan am Tokanikai. Kauamaenakoia ni m'aakam ao katae aia kai, te Uea ae te tia kamanoira.

Taian Areru 60:10

Ko a ribaira? ao Ko a aki kan iria ara taanga nakon te buaka?

Taian Areru 74:1

Te Atua, Ko aera ngkai Ko kitanira n te aro aio? E na toki ningai unim irouia am Aomata?

Taian Areru 79:5

Te UEA, e na reiti nako unim iroura? E na reiti nako uran unim n ai aron uran te ai?

Taian Areru 79:9

Te Atua ae ara tia kamaiu, buokira; Kamaiura ao kab'arai ara bure b'a e aonga ni karineaki aram.

Taian Areru 80:1

Katanimaia taningam, Ngkoe ae te tia kawakinia Iteraera b'a kanga tiibu ngaiia; Ko na ongo iroura, Ngkoe ae te tia kaiririia am nanai n tiibu. Ngkoe ae Ko tekateka i aon am Kaintokanuea are i aoia kerubim,

Taian Areru 80:3

Te Atua, Ko na kaoka kab'aiara nakoira! Kaota am Nanoanga nakoira, ao ti na kamaiuaki iai.

Taian Areru 85:4

Te Atua ae ara tia kamaiu, Ko na kaoka kab'aiara ngkoa nakoira, Ao katoka aki kukureim iroura.

Taian Areru 89:19

Ko taku n taai ake ngkoa i nanoni te mii nakoia am Toro ake a kakaonimaki, “I a tia ni buoka te tautia ae bati n ataaki; I a tia n anga te kaintokanuea nakon temanna ae I rineia mai buakon te botannaomata.

Taian Areru 89:3

E taku am Taeka, “I a tia ni karaoa au boraraoi ma te aomata are I rineia; I a tia ni kab'aka au taeka nakon au toro are Tawita, ni kaangai,

Taian Areru 89:38

Ma Ko un iroun te uea are Ko rineia; Ko a tia n rawa i rouna ao Ko ribaia.

Taian Areru 89:7

E korakora makakim irouia kaain te kauntira i karawa; Ko kakamaaku nakoia ake a mena i rarikim.

Taian Areru 90:13

Te UEA, ai ti maanraa am Tai n un? Ani bita nanom, ao nanoangaira, ngaira aika am Toro.

Tekaria 10:6

N na kakorakoraa te abanuea are Iuta ao Iteraera. Ao N na kaota te akoi i bukina b'a bon te UEA Ngai ae Atuaia. N na kaekai aia tataro ma ni kaokiia nakon mwengaia. Ao e na taraa n ae I tuai man katinanikuia.

1.Tamuera 13:11

Ao e taku Tamuera, “Tera ngkai ae ko a tia ni karaoia?” Ao e taku Tauro, “B'a a bane ni uamaaenako au tautia, ao ko aki roko n aron are kantaningaaki. Ao a bootaki kaain Biritia i Mikemati,

1.Tamuera 4:17

Ao e taku te tautia arei, “A birinako Iteraera mairouia kaain Biritia. Ao m'aitiia ara aomata ake a tia n tiringaki, n reitaki naba ma natim m'aane ake uoman, ake Obeni ma Bineati. Ma te b'ai riki ae moan te buakaka b'a e a uotakinako te Atiniberita.”