Taian Areru 6:10 - Te B'aib'ara

¹⁰ A na ataa korakoran te kamamaa ae e reke man te konaaki au kairiribai; A na waetata ni biri nako ma te mamaa ae bati.

Taian Areru 6:10 ပူးပေါင်းရင်းမြစ်များ

2.Uea 20:5

ao E kaokia te UEA nakon Etekia ma te rongorongo ae kaangai: Etekia, bon Au tia tautaeka ngkoe i aoia au Aomata, ao boni Ngai te UEA ae te Atua, are E taromauriaki iroun am bakatibu are Tawita. I ongo am tataro, ao I nooriko ngke ko tang. N na boni kamarurungko, b'a ko aonga ni konaa ni manga taromauriai n au Tembora i mwiin tenibong mangkai.

Iobi 6:29

Kam a rangi n tibanako. An tai manga taekini taeka aika aki raoiroi. Tai kabuakakaai, b'a I bon tei n te eti.

Taian Areru 112:10

A nora aio akana buakaka ao a un iai mani kangkantii bukini m'angaia: ao a bua naba nanoia; E aki koro bukin aia kaantaningaia.

Taian Areru 132:18

E na kab'ainrangiia ana kairiribai, ma e na kakab'aia ma n tekeraoi ueana.

Taian Areru 2:5

E na taetae n un nakoia ao E na kakamakuia n unna, ngkai E kaangai,

Taian Areru 25:3

A aki kona ni konaaki akana onimakiniko irouia aiaia; ma ti te koraki ake akea nanoia b'a ti te kan ekiko nako.

Taian Areru 35:26

A na baka ni baba ma ni bua aia iango akana ngareakinai n rawaawatau. A na taonaki n te mamaa ma te b'ainrang akana kamoamoaia n taku b'a a raoiroi riki nako iu.

Taian Areru 5:10

Te Atua, katuaaia; ao karika b'akaia boni man aia babaire. Kakionakoia mai matam i bukin aia bure aika a bati ma aia kakaitara nakoim.

Taian Areru 55:20

E ekianako nako raoraona teuare raou; E urua ana boraraoi.

Taian Areru 7:6

Te UEA, Ko na un; Karaoa te m'akuri teuana! Eekinakoia au kairiribai. Ao taraia b'a e na karaoaki te kaetitaeka ae eti.

Taian Areru 71:13

A bia konaaki ma ni kamaunaaki aomata akana ekai nako. A bia kamaamaaeaki ma ni kab'ainrangaki aomata akana kani kaikoakai.

Taian Areru 71:24

N na tataekin n taai nako taekani baika raraoi ake Ko a tia ni karaoi, i bukina b'a a tia ni konaaki ma ni kab'ainrangaki aomata ake a kataia ni kani kam'aruaai.

Taian Areru 73:19

A mate nabangkekei; A roko n tokiia ae kakamaaku.

Taian Areru 86:17

te UEA, Ko na kaota nako iu kakoauan am Raoiroi; Ane a na mamaa akana ribaai ngkana a nora ae Ko anganai kabebeteau ma buokau.

Taeka n Rabakau 29:1

Ngkana ko teimatoa ni bonotaninga ngkana ko a tia n anganaki taiani kauring, ao ane ko na kubanako ni kunea b'a ngaia ko a tia n rangi n raroa nako.

Itaia 26:11

E mwemwe baim ao e tauraoi ni katuaaia, ma a aki nooria. Kamamaaia! Kaota korakoran nanom ni kaawakiniira ao karenakoia nako nanon te ai are a na kabuokaki iai am kairiribai nako.

Ieremia 20:11

Ma bon te tautia ae e korakora Ngkoe te UEA, ae ko tei i rarikiu. Ane a na b'aka taani kakiriwe aikai ao a na mamaara a na rangi ni b'arananoia, ao e na akea tokin mamaaia.

Maraki 3:18

Ao ane a na manga noora te kaokoro aomata nako i marenaia aomata aika a ongotaeka irou ni karaoa ae e raoiroi ma aomata aika a katinanikuai ni karaoi b'aai aika a buakaka.

1.I-Tetaronike 5:3

Ngkana a kangai aomata, “E a rau te aba ao akea te kakiriwe,” ao ane e na roko ni karina te kabuanib'ai nako ia, kanga ai aron rokon te ariri ni maraki iroun te aine ae nangi bung; ao a na bon aki kona ni kamaiuia maiai.