Taian Areru 59:5 - Te B'aib'ara

⁵ Tei rake, te UEA ae Moan te M'aaka, ao nako mai buokai; Atuan Iteraera, nako mai noria Ngkoe! Kamarurungko, ao kareke kaiia botannaomata aika beekan; Tai nanoangaiia ngkai bon taani kam'aruaia raoia nakoia aiaia!

Taian Areru 59:5 ပူးပေါင်းရင်းမြစ်များ

Karikani B'aai 33:20

E katea te baonikarea ikekei, ao e aranna b'a Era-eroe-Iteraera, Atuaia Iteraera.

Taian Areru 54:3

A roko n eekainako aomata aika kainikatonga, Ao a kataia b'a a na tiringai aomata aika tiritiri, aika aki mutiakina te Atua.

Taian Areru 55:15

A bia mate akana ribaai i m'ain aia tai; A bia ruo, ngkai a maiu, nakon te ruanimate! E mena te buakaka ni mwengaia ao i nanoia.

Taian Areru 7:7

Karokoia aomata nakoim ngkae Ko tekateka i aon am Kaintokanuea n tautaeka i aoia ni kabaneia.

Taian Areru 80:4

Te UEA ae Te Atua are Moan te M'aaka, e na toki ningai unim n aia tataro am aomata?

Taian Areru 84:8

Te UEA ae te Atua ae Moan te M'aaka, Ko na ongo au tataro; Atuan Iakob'a, Ko na ongora!

Taian Areru 9:15

A b'aka botannaomata ake a aki onimakiniko i nanon kinono ake a ken. A boni manga bae waeia n aia b'ai ni kam'aam'ane.

Te Otinako 20:5

Kam na aki bobaraaki nakoia bouannanti; ke n taromauriia, b'a bon te UEA ae Atuami Ngai, ae I taua ni nne i roumi. I katuaaia naba te koraki ake a ribaai ni karokoa naba kanoaia rikaaki, nakon te katenroro ao te kaaroro.

Te Otinako 3:15

Ko na tuangiia b'a bon te UEA Ngai ae Atuaia aia bakatibu, Atuan Aberaam, Itaaka, ao Iakob'a, ae I kanakoko nako ia. Bon aei arau n aki toki, Aio arau ae a na aranai iai rooro aika rimwi.

Itaia 1:10

Bon ti te bo ngkami ma taani kairiiri irouia kaain Tootom ma Komora! Ma ngaia are, kam na ongora iroun te Atua:

Itaia 27:11

Ao ngkana a b'aka m'aangana aika a m'aoto i aontano ao a manga roko aine n anaia b'a kanaan aia ai. Ma a bon rangi n nanobaba aomata aikai n te aro are E aki konaa n nanoangaiia te Atua are e karikiia.

Ieremia 18:23

Ko ataia b'a a baairea aron tiringakiu. Ma ngaia are, Ko na un irouia ao Ko na katuaaia! Ko na aki manga kab'ara aia bure n aia bure aika a rangi ni kakamaaku.

Taniera 6:7

A bane ni bo nanora ngaira aika ti tararua am tautaeka, aobitia aika a rietaata, taani kairiiri, taan iango, ao koowana, b'a ko na karaoa te tua teuana ae e matoatoa. Ko na tua b'a akea temanna ae e na bubutiia te anti temanna ke te aomata temanna i nanon te maan ae tenibwi te bong ma ti ngkoe. Ao ane e ri aon te tua anne, ao e na karenakoaki i nanon ooia raian.

Amota 9:7

E taku te UEA, “Ngkami aika Iteraera, I aki kaokoroa are I karaoia nakoimi ma are I karaoia nakoia I-Tiobia. I kaotinakoia I-Biritia mai Kabetora, ao I-Tuuria mai Kira, n ai aromi ngke I kaotinakoi ngkami mai Aikubita.

I-Rom 9:6

Tiaki b'a aongkoa iai aki nako raoin te taeka n akoi; e a tia ni koro nanona, b'a tiaki Iteraera ni kabaneia aika ana aomata ni koaua te Atua;

Iakobo 2:13

B'a ane aki nanoangaea te aba, ao e na motikaki taekana n aki nanoangaki; ma e totokanikai te nanoanga n te motiki-taeka.