Taian Areru 59:16 - Te B'aib'ara

¹⁶ Ma ngai N na anenea taekani m'aakam; N na kanenea b'anaau n te ingabong koraki i bukin am tangira ae teimatoa. B'a Ko a tia n riki b'a nneu ni kamanomano ao ni katantan n te bong ae e kai nanou iai.

Taian Areru 59:16 ပူးပေါင်းရင်းမြစ်များ

2.Tamuera 22:3

Bon te b'a Ngkoe ae kamaiuau. Bon otangau Ngkoe, au b'ai ni buaka ae e korakora, au tabo ni katantan. Ko kamaiuai ao Ko kaawakinai b'a N na aki ikoaki.

Iobi 15:23

A tataninga mannikiba ake taiani ikare, b'a a na kana rab'atana. A ataia b'a e a kaan roko te rotongitong i rouna;

Iobi 37:23

E rangi ni korakora m'aakan te Atua n te aro are ti aki kona ni kaaniia; E rangi n raoiroi man eti raoi nako ira.

Taian Areru 101:1

N na anenea taekan te kakaonimaki ma te kaetitaeka ae e raoiroi; te UEA, N na aneneia nakoim.

Taian Areru 106:8

Ma E kamaiuia i bukini karinean arana, B'a E aonga ni kaota m'akana.

Taian Areru 138:7

Ngkana a otab'aniniai taiani kaangaanga, ao Ko boni kakaawakinai. Ko ekianako nako taan ribaai ngkana a un, ao Ko kamaiuai ni m'aakam.

Taian Areru 143:8

Ko na kaururingai ni katoa ingaabong n taekan am Tangira ae Teimatoa, B'a I onimakiniko. I tataro nakoim; kaota te kawai ae N na toua.

Taian Areru 145:11

A na tataekina tamaroani m'aakam n tautaeka ma korakoram,

Taian Areru 21:13

Te UEA, Ko na neboaki i bukini korakoram! Ti na anene ni kamoamoa m'aakam.

Taian Areru 30:5

E rangi ni kimototo tain unna, ma e tei maan ana akoi i aoni maiun te aomata. A waanako rannimata ni kangainaa, ma e oneaki mwina n te kakatonga n te ingabong.

Taian Areru 31:7

N na kukurei ma ni kim'areirei i bukin am Tangira ae teimatoa. Ko noori marakiu; ao ko atai au kanganga

Taian Areru 36:5

Te UEA, e rota karawa am Tangira ae teimatoa; ao e roti naang am Kakaonimaki.

Taian Areru 4:1

Atuan au raoiroi, Ko na ongo irou ngkana I weewete; Ko kainaomataai man rawaawatau: Ko na nanoangaai, ao ongo au tataro.

Taian Areru 46:1

Boni nera ni katantan ao korakorara te Atua. E kaan n taai nako ni buokira n tain te kangaanga.

Taian Areru 5:3

Te UEA, Ko na ongo n au tataro, n te ingabong; I kawenei au bubuti i matam, Ao I kakantaningaa am kaeka.

Taian Areru 77:2

I tataro nakon te UEA n tain te kaangaanga; I tabeki baiu n tataro n te tairiki koraki, ma e aki reke kabebeteau.

Taian Areru 86:13

Ai batiraa am Tangira nako iu! Ko a tia ni kamaiuai ngke N nangi mate.

Taian Areru 88:13

Te UEA, I weteiko i bukini buokau; I tataro nakoim ni katoa ingabong.

Taian Areru 89:1

Te UEA, N na anenea n taai nako taekan am Tangira ae Teimatoa; N na aki toki ni kaotiota taekan am Kakaonimaki.

Te Otinako 15:6

“E kakamaaku m'aakan baim are te atai te UEA, e urua te kairiribai ni kamaerikirikia.

Ieremia 30:7

Au aomata, e na rangi ni korakora riki marakimi nakon are mai i m'aaina n te tai ae e aki maan mangkai, ma N na kamaiungkami.

I-Rom 15:9

ao b'a a aonga n neboa naba te Atua aomata aika tiaki I-Iutaia i bukin arona n nanoanga nakoia, n ai aron are koreaki ni kaangai: “Ma ngaia ae N na karaoiroiko i buakoia Tientaire Ao N na anenea aram.”

2.I-Korinto 1:10

are ti kamaiuaki i Rouna man te mate are moan te kakamaaku, ao E na boni manga kamaiura naba maiai; ti a tia ni kawenea ara kaantaninga i Rouna b'a E na boni manga kamaiura naba,

I-Ebeto 3:20

Ao nakon Teuare kona ni karaoi b'aai aika moan te bati aika m'aiti riki nakoni b'aai aika ti bubuti ma n ururing, n ai aron te m'aaka ae m'am'akuri i nanora:

Ebera 5:7

Ngke E maiu Iesu i aon te aba, ao E tataro ni bubuti ma te tang ae korakora ma ranni matana nakon Teuare kona te kamaiua man te mate, ao E ongo i Rouna i bukina b'a iai makan ma karinean te Atua i Rouna.

1.Tamuera 17:37

E a tia te UEA ni kamaiuai man ukinibain te raian ma te bea, ao E na bon kawakinai mani bain te I-Biritia aei. Ao e taku Tauro, “E raoiroi, ko na nako ni bo ma ngaia. Ao bon au kantaninga b'a E na kaawakiniko te UEA.”