Taian Areru 59:13 - Te B'aib'ara

¹³ Ko na kamateia n unim, n akea ae na tiku ni maiu; Ao ane a na ataia aomata nako b'a E tautaeka te Atua, i aoia Iteraera ao ana tautaeka e raababa nako nakon ni kabutaa aonnaba.

Taian Areru 59:13 ပူးပေါင်းရင်းမြစ်များ

2.Uea 19:19

Ma boni ngkoe ara UEA ao Atuara. Ti bubutiiko b'a ko na kamaiura mairoun uean Aturia. Ao ane a na ataiko iai aomata n taian abanuea ni kabane n te aonnaba ae bon ti ngkoe te Atua.

Taian Areru 10:7

E on wina n te kewekewe ao ana kakarabakau bon te kakaunuun ao te kani karaoa ae buakaka.

Taian Areru 104:35

A bia kamaunaki taani bure mai aon te aba; A bia akea aomata aika buakaka. Karaoiroa te UEA, tamneiu! Karaoiroa te UEA!

Taian Areru 109:17

“E karereantia te koraki. E bia reke kaina! E rarawa n taetae ni kakab'aiaia aomata. E bon karika te kabuanib'ai i bukin kakab'aiana!

Taian Areru 59:11

Te Atua, tai kamateia, b'a a kaawa au aomata ni m'aninga taekan am Tokanikai. Kauamaenakoia ni m'aakam ao katae aia kai, te Uea ae te tia kamanoira.

Taian Areru 64:9

A na bane ni maaku; A na iangoa te baere E a tia ni karaoia te Atua ao a na taekin nakoia aomata.

Taian Areru 7:9

Bon te Atua ae ko raoiroi ngkoe ae ko motiki taekan ara iango ma nanora. Katoki aia m'akuri aomata aika buakaka ao kakab'aiaia akana a kaakaraoa ae e raoiroi.

Taian Areru 83:18

A na ataiko b'a Ngkoe ae te UEA, bon ti Ngkoe ae Moan te Rietaata i aonnaba ni kabane!

Taeka n Rabakau 12:13

Ti boni kam'aneira i bon iroura ngkana ti taekina te kewe, ma ngkana ti maeka ma te raoiroi ao ti bon kararoaira iai ma te kiriwe.

Itaia 54:5

E tautaekana te aonnaba ni kabane te UEA ae Moan te M'aaka ae Atuaia Iteraera ae e Tabu. Bon te tia karikiko ao buum, ao e na bon kamaiungkami.

Etekiera 38:23

N na karaoi baikai ni kaotia nakon te aonnaba b'a bon te UEA Ngai ae I tabu.

Etekiera 39:7

A na ataai Au aomata aika Iteraera, ao a na aki manga oki ni kamatauningaa Arau. A na bane aomata ni kabane aika i aon te aonnaba n ataai b'a bon te UEA Ngai ae Atuaia Iteraera ae I tabu.

Taniera 4:25

Ko na kakioaki nako man te kaawa, ao ko na maeka ma maan aika a moaanti. Ko na kang uteute n ai aron te kao, ao ko na matu n te tabo ae e katawanang, n te aro are e na ruoniko te aoi, ao e na riki aei nakoim i nanon itiua te ririki. Ao ko na okira te Atua n tokina, ao ko na kakoaua b'a boni Ngaia ae E taua taekan ueaia aomata ni kabane, n te aro are E kona n anai ao ni manga anganiia tabem'aang ake E bon taku.

Warekaia Iteraera 32:13

ma E rangi n un irouia ake tabeman n te aro are E a kanakoia b'a a na tiotio nako n te rereua i nanon 40 te ririki. I m'aain te tai anne, a bane n tia ni mate aomata ake a tia ni bure nako Ina.