Taian Areru 56:9 - Te B'aib'ara

⁹ N te bong ae I weteiko iai, ao a na oki nako taan ribaai. N rikin aio ao I ataia iai b'a te tia buokai te Atua,

Taian Areru 56:9 ပူးပေါင်းရင်းမြစ်များ

2.Uea 20:5

ao E kaokia te UEA nakon Etekia ma te rongorongo ae kaangai: Etekia, bon Au tia tautaeka ngkoe i aoia au Aomata, ao boni Ngai te UEA ae te Atua, are E taromauriaki iroun am bakatibu are Tawita. I ongo am tataro, ao I nooriko ngke ko tang. N na boni kamarurungko, b'a ko aonga ni konaa ni manga taromauriai n au Tembora i mwiin tenibong mangkai.

Taian Areru 102:2

Tai karabako mairou n te tai ae I reke iai n te kaangaanga. Katanimaia taningam nako iu, ao bareiko n ongo irou ngkana I weteiko iai.

Taian Areru 118:6

Bon raou te UEA, N na aki maaku; Tera ae e kona te aomata ni karaoia nako iu?

Taian Areru 27:2

Ngke a eekainako aiau ma ni kataia ni kani kamateai, Ao a na bon tae aia kai mani b'aka.

Taian Areru 46:11

Bon raora te Atua ae Moan te M'aaka, Bon otangara Atuan Iakob'a.

Taian Areru 46:7

Bon raora te UEA ae Moan te M'aaka; Bon otangara Atuan Iakob'a.

Taian Areru 9:3

Ngke a noriko taan ribaai, ao a kerikaki ma ni b'aka, ao a mate.

Ieremia 33:3

“Weteai ao N na kaekako; N na tuangko b'aai aika a kamimii aika a tamaroa aika ko tuai man atai.

Maraki 3:16

Ao ngke a moanna aomata aika a karinea UEA ma nanoia ma ni karinea arana ni maroroakin baikai, ao E koroi araia b'a a aonga n ururingaki n ana boki te UEA ngke e noora te b'ai are e riki.

Ioane 18:6

Ao ngke E kaangai nakoia, “Boni Ngaia Ngai, ao a kerikaki ao a b'aka i aontano.”

I-Rom 8:31

Ao tera ngkanne ae ti na taekinna i bukini baikai? Ngkana raora te Atua, ao antai ae kona n ekira nako?