Taian Areru 56:5 - Te B'aib'ara

⁵ A kariki kaangaanga nako iu aiau ni kabongnga; A aki toki ni kakaei aaro aika N na kabuanib'ai iai!

Taian Areru 56:5 ပူးပေါင်းရင်းမြစ်များ

1.Uea 18:2

Ao E taku te UEA nakon Eria, “Naako kawara te uea are Aaba b'a N nang kab'aka te karau n te tai ae e aki maan.” Ma ngaia are, e a nako Eria ni kawara Aaba.

Taian Areru 118:6

Bon raou te UEA, N na aki maaku; Tera ae e kona te aomata ni karaoia nako iu?

Taian Areru 41:7

A bane ni wirikirikia taekau akana riribaai; A iangoi baika N na kona ni karawawataki riki iai.

Taian Areru 49:6

Aomata ngaiia aika onimakini kaub'aia Ao a kamoamoaia n aia b'ai aika bati.

Ieremia 18:18

A taku aomata tabeman, “Ti a katiaa taekan Ieremia! Bon iai ibonga n taai nako ike a konaa n reireiniira ana Tua te Atua, ao ai uana naba ma aomata ake a rabakau b'a a konaa n anganiira taeka n reirei, ao burabeti b'a a konaa n anganiira ana rongorongo te UEA. Ma ngaia are, ti na aki manga ongo i roun Ieremia, ma ti na bukinna n te bure.”

Mataio 22:15

A botaki B'aritaio tabem'aang, ao a iangoa aroni kam'anean Iesu n ana taeka.

Mataio 26:61

ao a taku, “E taku Teuaei, ‘I kona n urua ana um'antabu te Atua, ao ni kateia i nanon tenibong.’ ”

Ruka 11:54

A kani kam'anea ngkana iai buren ana taeka.

Ioane 2:19

E kaekaia Iesu ao E taku, “Kam na urua te Tembora aei, ao N na manga kateia n ti tenibong.”

2.Betero 3:16

Aei te bae e taekinna n ana reta ni kabane ngke e koroi taekani baikai iai. Iai b'aai tabeua n ana reta aika aki kai ataaki, aika kab'araki ni kab'aouaki nanoia irouia aomata aika nano roo ma aika nano tiotio, n ai aron naba are a karaoia nakon taekan te B'aib'ara tabeua. Karaoan aei i rouia boni karekeani mateia.

1.Tamuera 18:17

Ao n te tai teuana, ao e tuanga Tawita Tauro ni kaangai, “Ngkana ko ninikoria ni buaka n ana buaka te UEA i buku, ao N na kaieiniko ma natiu te aine are te karimoa are Nei Meraba.” Ma e iango i nanona Tauro ni kaangai, “I aki tangiria n tiringa Tawita, ma ngaia are, N na kanakoa b'a a na tiringnga kaain Biritia i buku.”

1.Tamuera 18:21

ao e taku i nanona, “N na tuanga Tawita b'a e na iein ma ngaia, ao N na kam'anea i rouna b'a e aonga n tiringaki irouia kaain Biritia.” Ao e taku, “N na anganiko riki natiu te aine ae te kauoman b'a ko na iein ma ngaia.”

1.Tamuera 18:29

Ma n ataakin baikai iroun Tauro, e bon kakorakora riki maakakin Tawita i rouna, ao e riki b'a a na kairiribai Tawita ni kabane bongin maiuna.

1.Tamuera 20:33

Ao e rangi n un Tauro n te taeka arei, ao e karea Ionatan n te kainiwai b'a e na tiringnga, ao e a ataia Ionatan b'a e bon iangoa tiringan Tawita tamana are Tauro.

1.Tamuera 20:7

Ao ngkana arona b'a e kaangai, ‘E tamaroa’ Ao e na akea te kangaanga nako iu; ma ngkana e un, ko na ataia b'a e iaiangoa tiringakiu.