Taian Areru 56:4 - Te B'aib'ara

⁴ I onimakina te Atua ao akea te b'ai ae N na makua iai; I kamoamoaa i bukin ana taeka. Tera ae e kona ni karaoia te aomata nako iu?

Taian Areru 56:4 ပူးပေါင်းရင်းမြစ်များ

2.Rongorongo 20:3

Ao e maaku Ieotiab'ata, ao e titirakina te UEA te b'ai ae e na karaoia. Ao i mwiina, e a tuangiia kaain Iuta b'a a na aki am'am'arake ni kaota rawaawatan nanoia.

2.Rongorongo 20:4

Ao a kawaekoaia ni kiitana ikekei nako Ierutarem i bukin buubutian te UEA buokaia.

Taian Areru 118:6

Bon raou te UEA, N na aki maaku; Tera ae e kona te aomata ni karaoia nako iu?

Taian Areru 119:160

A bane ni koaua am Taeka; ao akea tokin am Moti aika raraoi ni kabane.

Taian Areru 12:6

Ana taeka te UEA bon taeka aika a kakoauaaki; ai aron te tirewa are kaburoburoaki itiua te tai m'aitina i nanon te nne ni kanaiai.

Taian Areru 138:2

I bobaraaki ni kaitaraa am Auti are te Tembora are Tabu, ao I neboa Aram i bukin am Tangira ae akea tokina ma am Kakaonimaki, Ao i bukina b'a Ko a tia ni kaotia ae e moamoa riki Aram ma am Taeka nakoni b'aai ni kabane.

Taian Areru 27:1

Bon ootau ma au tia kamaiu te UEA; Akea ae N na makua. Bon nneu ni kamanoai te UEA man taiani kanganga nako; N na bon aki maaku.

Itaia 31:3

Bon taian aomata naba kaain Aikubita. Bon tiaki Atua ngaiia. A bon karaoaki naba aia aoti man te iriko; a aki konaa ni maiu n aki toki. Ngkana e kaota m'aakana te UEA, ao ane e na tiringiia kaain Aikubita ao koraki ni kabane ake a mwiokoia. A na bane ni kaai ni b'aka.

Itaia 41:10

Ko na aki maaku. Bon raou ngkoe. Ko na aki ruru ni maaku. Bon Atuam Ngai. N na kakorakorako, ngkana I kamanoko ni baiu ma n anganiko taian tokanikai.

Ioane 10:35

Ngkana E atongiia te Atua te koraki ake E anganiia ana taeka b'a atua (ao e aki kona ni katinanikuaki taekan te B'aib'ara),

Ebera 13:6

Ma ngaia ae ti na aki maaku ni kangai: “Te Uea bon te tia buokai; N na aki maaku; Tera ae e kona te aomata ni karaoia nako iu?”

1.Tamuera 30:6

E a bon rangi n reke Tawita n te kangaanga irouia ana rorobuaka b'a a rangi ni b'ara nanoia i bukin buan natiia, ao a iaiangoa karean Tawita n atiibu; ma E anganna korakorana te Atua,