Taian Areru 55:10 - Te B'aib'ara

¹⁰ A teiakina te kaawa taan ribaai ni katobibia ni ngaina ao ni bong; E on nanona n te kiriwe ma m'akuri n iowawa;

Taian Areru 55:10 ပူးပေါင်းရင်းမြစ်များ

2.Tamuera 15:31

Ao e tuanga Tawita temanna ni kaangai, “E buoka Abetarom Aitobera ni baairea aron tiringakim!” E taku Tawita, “Taiaoka te UEA tai kam'akura ana babaire Aitobera!”

Taian Areru 58:3

A kamani bure maiuia akana buakaka; a kaman rabakau ni kewe mai nanoni biroton tinaia.

Taian Areru 59:6

A oki n te tairiki, ao a karongoaea te aba kanga ai aroia kamea aika aiwaa ni karongoa i nanon te kaawa.

Etekiera 9:4

“Nakonako i nuukan te kaawa ae Ierutarem ao kanikinaai ram'aia aomata ni kabane aika a b'ara nanoia raoi ao a nanokawaki ni b'ai aika a rangi n ribaaki aika a tia ni karaoaki.”

Otea 7:6

E ura uniia kaanga te ai ae e m'akarokaro ni kangainaa, ao e a uraura ngke e a kaarangaina.

Ab'akuka 1:3

Bukin tera ngkai ko karikai b'a n na noori kangaanga aikai? Ko na kanga ni kan noori m'akuri aika a buakaka aikai? E katobibiai te urub'ai ma te kabuanib'ai, ao e a bo te un ma te ngurengure n aki-akaaka.

Ioane 18:28

Ngke e a tib'a ingabong, ao a kaira Iesu man ana auti Kaiaba nakon te Beretoriam. A aki rin aia mataniwi I-Iutaia b'a a rawa n aki itiaki n aron katein te Aro n I-Iutaia, ao n aki kariaiakaki n am'arake n am'araken te Riao.

Ioane 18:3

Ma ngaia are, ngke a roko i rouna tautia tabem'aang ma bureitimanin te Tembora ake a kanakoaki irouia ibonga ma B'aritaio, ao e kairia nakon te ne n aroka, ma uotaia taura ma ooi ma b'ai ni buaka.

M'akuri 9:24

ma e kuneaki aia iango ni kan tiritiri iroun Tauro. A taratarai mataroa nako ake mataroa n rin n te nono, n te ngaina ao n te bong, b'a a na kamatea.

1.Tamuera 19:11

N te tairiki naba arei ao e kanakoia rorobuaka tabeman Tauro b'a a na tarataraa ana auti Tawita ao n tiringnga n te moaningabong. Ao e kauringa Tawita Nei Mikara ao e kaangai, “Ngkana ko aki biri nako n tairiki, ao ko na tiringaki nakon te moaningabong!”