Taian Areru 54:5 - Te B'aib'ara

⁵ E na karawawataia taan ribaai, i bukin aia m'akuri aika buakaka. Te Atua, Ko na kamateia i bukina ngkai Ko kakaonimaki.

Taian Areru 54:5 ပူးပေါင်းရင်းမြစ်များ

Taian Areru 137:8

B'aburon, ko nang uruaki. E a kab'aia ane kaboa nakoim mwin am bure are ko karaoia nakoira:

Taian Areru 143:1

Te UEA, Ko na ongo au tataro! Te Atua ae Ko raoiroi ma ni kakaonimaki, Ko na ongora n au bubuti!

Taian Areru 143:12

Ngkai Ko tangirai, ao tiringiia aiau ma akana b'ainikirinai ni kabaneia; B'a am toro ngai.

Taian Areru 27:11

Te UEA, reireiai te b'ai ae Ko tangiria b'a N na karaoia, ao kairiirai n te kawai ae e raoiroi, b'a a bati taan ribaai.

Taian Areru 31:23

Kam na bane n tangira te UEA, ngkami akana ana Aomata akana onimakinna; E kawakinia akana kakaonimaki te UEA, Ma E kabatia kain ane kainikatonga.

Taian Areru 5:8

Te UEA, Ko na kairiirai n am Raoiroi i bukiia taan ribaai; Ko na kaboraoa kawaim ae N na iria.

Taian Areru 86:14

Te Atua, a roko n eekainako akana kainikatonga; A kani kamateai te koraki aika kakam'arua te koraki aika akea karineam irouia.

Taian Areru 89:49

Te Uea, tera ae Ko kona ni karaoia b'a kaotan ae Ko tangirira n ai aron are Ko tataneiai iai, Ao kaotan ae Ko kakawakin am Taeka n akoi ake a tia ni b'aka nakon Tawita?

Taian Areru 94:23

E na kareke kaiia i bukin aia m'akuri aika bubuaka, Ao E na kamaunaia i bukin aia bure; A na kamaunaki iroun te UEA ae Atuara.

2.Timoteo 4:14

Arekantero are te tia karaoi b'aai man te buraati e karaoi baika bubuaka aika bati nako iu. Ane e na kaboaki mwin ana m'akuri aika buakaka iroun te Uea n ai aroni baike e karaoi.

Te Kaotioti 18:6

Are e karaoia nakoimi, ao kam na karaoia naba nakoina; ao kauoua te tai m'aitini booni mwin te b'ai are e karaoia, ao kaona ana m'angko n te moi, ni kauoua te tai korakoran te moi are e a tia ni karaoi i bukimi.