Taian Areru 54:4 - Te B'aib'ara

⁴ Ma bon te tia buokai te Atua; Bon te tia kamanoai te Uea.

Taian Areru 54:4 ပူးပေါင်းရင်းမြစ်များ

1.Rongorongo 12:18

Ao Amatai are temanna mai buakoia m'aane akekei are e a manga riki b'a te tia kairiiri irouia Taani Buaka ake Teningaun, e kawara Tawita. E niniaki n Tamnein te Atua, ao e taku, “Ti na raoningkami, Tawita ae natin Iete! Ko na tetekeraoi ngkoe ma raom, b'a E buaka te UEA man ami itera.” Ma ngaia are, e kariaia Tawita b'a a na tiku i rarikiia, ao e anganiia tib'angaia b'a taan tararuaia tautia ake a na niniia aia kaawa irouia aia kairiribai.

Taian Areru 118:13

E korakora buakanakiu n te aro ae N nang konaaki, Ma E buokai te UEA.

Taian Areru 17:1

Te UEA, ko na ongora au bubuti i bukin am motikitaeka ae eti Anga taningam nakoni b'anaau ni kani buokaki! ae nako mai nanou ni koaua.

Taian Areru 41:12

Ko buokai i bukin ongeabau nako Im, Ao Ko na katukai i rarikim n taai nako.

Itaia 41:10

Ko na aki maaku. Bon raou ngkoe. Ko na aki ruru ni maaku. Bon Atuam Ngai. N na kakorakorako, ngkana I kamanoko ni baiu ma n anganiko taian tokanikai.

Itaia 42:1

Aio au tia m'akuri! I a tia ni kakorakoraa. Bon au rinerine; I kukurei i rouna. I a tia n anganna Tamneiu, ao e na uota te eti nakoia botannaomata.

I-Rom 8:31

Ao tera ngkanne ae ti na taekinna i bukini baikai? Ngkana raora te Atua, ao antai ae kona n ekira nako?

Ebera 13:6

Ma ngaia ae ti na aki maaku ni kangai: “Te Uea bon te tia buokai; N na aki maaku; Tera ae e kona te aomata ni karaoia nako iu?”