Taian Areru 53:1 - Te B'aib'ara

¹ E taku te nanobaba i nanona, “Akea te Atua.” Aomata aika aroia aio bon aomata aika a bure aroia, Ao a karaoi baika bati n ribaki: akea temanna ae karaoa ae e raoiroi.

Taian Areru 53:1 ပူးပေါင်းရင်းမြစ်များ

1.Uea 12:26

Ao e tabe ni iango Ieroboam n te bong teuana ao e taku, A teimatoa ni babane nako Iteraera nakon te Tembora are i Ierutarem man anga aia karea nakon te Uea. E na bon riki b'a te kaangaanga teuana ngkana a manga moana aia kakaonimaki nakon Tawita. A na tiringai man riki b'a ana aomata Roboam b'a aia uea.

1.Uea 14:24

Ao ae e a rangi ni buakaka riki, ainen matawa b'a a na m'akuri n te baangota, ma ni karaoi katei aika a kammaira, aika kateia botannaomata Ianena are e a tia ngkoa te UEA ni kanakoia mai aoni Kanaan.

Iobi 14:4

Bon akea te raoiroi ae kona n otinako man te b'ai ae kam'ara n aron te aomata.

Iobi 15:16

ao e nang kanga riki n onimakinaki te aomata ngkai bon te b'ai ae buakaka, ae akiako, ae e taka i bukin te buakaka.

Taian Areru 10:11

E taku n ana iango, “E matakii te Atua! E aki kona n noorai.”

Taian Areru 10:13

E aera te aomata ae buakaka, ngkai e kakeaa te Atua? Ma n taku i nanona, b'a E aki konaa te Atua ni karekea kaina!

Taian Areru 10:4

E aki kan reitaki teutana ma te Atua te aomata ae buakaka; E taku n ana iango b'a akea te Atua.

Taian Areru 10:6

E taku n ana iango, “E nene ni matoatoa au waaki! N na teimatoa n tiitiku n rau raoi n arou aio.”

Taian Areru 88:1

Te UEA ae te Atua, ae au tia kamaiu, I tang nakoim ni ngaina ao ni bong.

Taian Areru 92:6

E aki kona n ataa aio te aomata ae nanobaba; E aki kona n oota iai te aomata ae aki wanawana:

Etekiera 16:47

Ko katotoongi maiuia ao kateia aika a buakaka, ao n te tai ae e waekoa ko a manga rangi n ribaaki riki nakoia.

Etekiera 16:51

Kam a tia ngkami aika kaain Ierutarem ni kauoua buakakan ami bure nakoia kaain Tamaria. E a manga taraa n akea ana bure Totom ma Tamaria i bukin buakakan ami m'akuri.

Mataio 5:22

ao Ngai I taku nako imi, b'a ane un nakon tarina, ao e na kateaki n te kabowi b'a e na baireaki taekana; ao ane kangai nakon tarina, Akea warem; ao e na tei i matan te Tanirim b'a e na baireaki taekana iai; ao ane atonga tarina b'a akea uaana ao e na motikaki taekana b'a e na teweaki nako n te ai are i moone.

Ruka 12:20

Ma E taku te Atua nako ina, “Te nanobaba! N te tairiki aei, ao e na anaaki maium mai roum; ao b'aai akana ko a tia ni katauraoi, antai ae na b'aini?”

I-Rom 1:21

A ata te Atua, ma a aki anganna neboana ngkai te Atua Ngaia, ao a aki kaitaua; ma a riki aia iango b'a baika akea bonganaia, ao a karooaki nanoia aika aki wanawana.

I-Rom 1:28

Ngke a rawa ni kaaki i nanoia ataakin te Atua, ao E katikuia n aroia aika ti te iangoi baika kammaira, b'a a aonga ni karaoi m'akuri aika aki riai.

I-Ebeto 5:12

b'a e kamamaa b'a a na taekinaki baika a karabai ni karaoi aomata.

Te Tua-Kaua 12:31

Kam na bon aki karaoa anne. B'a te UEA, E ribaai aroia botannaomata aikai n taromauriia antiia, i bukina b'a a kabuoki natiia m'aane ao natiia aine b'a aia karea.

1.Betero 4:3

Kam riai n aki manga karaoi baika kam karaoi ngkoa ngke kam iri nanoia aomata ake tiaki Kristian, ni maiu ni kaitataan ma ni kaib'ab'aru, ma ni manging, ma ni bobotaki ni manging ni kukurei ni kammaira, ma n iri taromauriani bouananti aika taromauri aika bati n ribaki.