Taian Areru 52:2 - Te B'aib'ara

² Ko karioi iango aika a na uru aroia tem'angina; Ai aron te m'ariro ae kakang newem; Ko aki toki ni karioi taeka ni kewe.

Taian Areru 52:2 ပူးပေါင်းရင်းမြစ်များ

Taian Areru 109:2

A eekainako akana buakaka ma akana m'am'anaa te aba. A kewe n aia taeka i buku,

Taian Areru 120:2

“Te UEA, kamaiuai mairouia taani kewe ma taani m'am'anaa te aba.”

Taian Areru 50:19

“Ti te kan taekina te b'ai ae buakaka wiim, Ao e tatauraoi newem n atonga te kewe.

Taian Areru 57:4

A otab'aniniai taan ribaai aika ai aroia raian aika kaakang aomata; Wiia ai aroni kaai ni katebe ma kanoaia, ao neweia ai aroni kabaang aika kakang rewarewa.

Taian Areru 59:7

Ongora ni b'anaaia ni kamaraki nano. Ai aroni kabaang neweia i nanoni wiia, ao a taku n aia iango b'a akea ae e ongo b'anaaia.

Taeka n Rabakau 12:18

E korokoro kaanga te kabaang te taeka ae akea nanoia, ma e kamaiua te aba te taeka ni wanawana.

Taeka n Rabakau 18:21

E konaa ni karekea te mate ke te maiu taian taeka! Kaub'arantiko, ao ane kam na manga kang am taeka ni kabane ake kam atong.

Taeka n Rabakau 30:14

ao tabeman a rangi n nano n rang ao a kab'autiia aomata aika a maiu ni kainano ao aika akea mwengaia.

Ieremia 18:18

A taku aomata tabeman, “Ti a katiaa taekan Ieremia! Bon iai ibonga n taai nako ike a konaa n reireiniira ana Tua te Atua, ao ai uana naba ma aomata ake a rabakau b'a a konaa n anganiira taeka n reirei, ao burabeti b'a a konaa n anganiira ana rongorongo te UEA. Ma ngaia are, ti na aki manga ongo i roun Ieremia, ma ti na bukinna n te bure.”

Mataio 26:59

Ao ibonga ake mataniwi ma kaain te Tanirim ni kabaneia a ukoukora bukinan Iesu aika aki koaua, b'a a na kamatea;

M'akuri 24:1

I mwin nimabong, ao e wairio aia mataniwi ibonga are Anania ma unimm'aane tabem'aang ma te aomata temanna ae rangi n rabakau ni kakarabakau ae arana Tereturo. A kaota bukinani B'auro nakon te tia tautaeka.

M'akuri 24:5

B'a ti kunea te aomata aei b'a e iowawa: e karika te kiriwe i buakoia I-Iutaia ni kabaneia i aon aaba nako, ao ngaia mataniwin te botaki ae a atongaki kaaina b'a Natarene;

2.I-Korinto 11:13

B'a te koraki akanne bon taan tuatua ni kewe, aika taani m'am'ana te aba n aia m'akuri, ao a onikia b'a aongkoa ana taan tuatua Kristo.

2.I-Korinto 4:2

ma ti aki maiuakini baika raba aika b'aai ni kamamaa, ao ti aki b'aina te maiu ni bureburea te aba; ao ti aki naba kab'aoua ana taeka te Atua. Ma ti kaotioti arora aika raraoi, ni kaotiotan te koaua nakoni mataniwin nanoia aomata ni kabaneia i matan te Atua.

Te Kaotioti 12:10

Ao I ongo te b'anaa ae korakora i karawa, b'a e kaangai, “E a roko ngkai ana kamaiu Atuara, ma m'aakana ma ueana, ma m'aakan ana Kristo: b'a e a tia n teweaki nako te tia bukiniia tarira, ni kabuakakaia i matan Atuara ni ngaina ao ni bong.

1.Tamuera 22:9

Ao e mena ikekei Toeka i rarikiia ana aobitia Tauro, ao e taku, “I noora Tawita ngke e kawara Aimereka are natin Aituba te rorobuaka i Nob'a.