Taian Areru 51:2 - Te B'aib'ara

² Tebokai raoi b'a I aonga n itiaki man au bure, ao kaitiakai man arou aika buakaka!

Taian Areru 51:2 ပူးပေါင်းရင်းမြစ်များ

2.Tamuera 11:4

E nooria Tawita, ao e kanakoa temanna b'a e na nooria b'a antai. E oki rikaaki te tia m'akuri arei, ao e tuangnga ni kaangai, “Teuae ko karineaki, bon Nei B'atateb'a. Bon natin Eriam te aine are buun Uria are kaain Eta.” Ao e kanakoa ana rongorongo Tawita nakoina b'a e na nakon te bareti. Ao e roko neirei nakoina, ao e matu ma ngaia. Ao i mwiina, e a okira mwengana.

2.Tamuera 12:1

Ao e kanakoa Natan are te burabeti b'a e na karakina te karaki teuana nakon Tawita ae e kaangai: Te aomata ae e kaub'ai ao te aomata ae e maiu ni kainano aika a maeka n te kaawa ae ti teuana.

Taian Areru 19:12

Antai ae kona n nora oin ana kairua? Kamaiuai mani karaoani baika I aki atai b'a a buakaka!

Taian Areru 51:7

Kaitiaki au bure mairou, ao I a itiaki iai. Tebokai, ao N na mainaina riki i aon te tinoo.

Itaia 1:16

Tebokingkami ni kaitiakingkami! I a rangi n ribai ami m'akuri aika a buakaka. Ani katoka karaoan te kaairua.

Ieremia 4:14

Ma Ierutarem, e bon reke naba ami tai ni iangoi maiumi Teboki taiani bure mai nanomi ao katoka babaairean iango aika a bure,

Etekiera 36:25

N na tatauringkami n te ran ae e itiaki, ao kam na riki n tau i buku. N na teboki ni kanakoi b'aai ni kabane akana a kabaarekaingkami, ao N na kanakoi ami bouannanti aika a rangi n ribaaki.

Nakoaia Ibonga 13:58

Ngkana e a mauna naba ngkana e uatiia, e na manga uatiia riki, ao e itiaki ni kaineti ma aron te taromauri.

Tekaria 13:1

E na reke te koburake n ran, ike a na teboki iai aia bure ma aia kaairua ana kariki Tawita ao kaain Ierutarem.

Ioane 13:9

E taku Timon Betero nakoina, “Te Uea, tiaki ti waeu, ma teboki naba baiu ma atuu!”

M'akuri 22:16

Ao tera ae ko kaantaningaia ngkai? Tei rake, ao ko na b'abetitoaki ma ni kaitiakaki man am bure, ni m'anewean aran te UEA.”

1.I-Korinto 6:11

Ao akanne anuani maiuia ngkoa tem'angina i buakomi. Ma kam a tia n tebokaki; kam a katabuaki b'a ana b'ai te Atua, ao a tia ni kaetaki aromi n reitaki ma te Atua n aran ara UEA are Iesu, ao iroun naba Tamnein Atuara.

Te Kaotioti 1:5

ao ami b'ai naba te akoi ma te raoi mairoun Iesu Kristo, are kakaonimaki, are te moa ni kamaiuaki mai buakoia maate are E manga uti mai buakoia maate, ao are aia Mataniwi uea i aonnaba. E tangirira, ao E kainaomataira man ara bure ni matena;

Te Kaotioti 7:14

Ao I taku nakoina, “Teuae ko karineaki i rou, ko bon ataiia.” Ao e kaangai nako iu, “Aomata aikai ake a butaki nako mai aan te rawawata are korakora, ao a teboki aia kunnikai ake a m'am'arai ao a kamainainai n raraan te Tiibuteteei.