Taian Areru 51:17 - Te B'aib'ara

¹⁷ Au karea bon te tamnei ae nanorinano, Te Atua; Ko aki riba te nano ae uruaki ae raraoma.

Taian Areru 51:17 ပူးပေါင်းရင်းမြစ်များ

2.Uea 22:19

I namakina rawawatam ngke ko warekia ae e na kamaunaaki te aba aei ma kaaina ni kabane. Ko bon raeuaaka naba kunnikaim i bukin rawawatan nanom, ao I ongo b'anaam ngke ko tang.”

Taian Areru 102:17

E na ongo irouia ana Aomata akana kananoanga, Ao E aki ribaai aia tataro.

Taian Areru 107:22

A riai n angakarea ni katituaraoi, ao n anene ni kakatonga n tataekin ana m'akuri.

Taian Areru 147:3

E kamaiuia akana uruaki nanoia, ao E kabae ikoakiia.

Taian Areru 22:24

E aki ribaia ke ni kaaki taekaia akana kananoanga n aia tai n rawaawata; E aki tan nako mai rouia, ma E ongo irouia ngkana a tangira buokaia mai Rouna.

Taian Areru 34:18

E kaan te UEA ma akana a b'ara nanoia, ao E kamaiuia akana uruaki nanoia.

Te Otinako 37:22

A karaoaki kaintaura, n reitaki ma taian m'aanga ao taian uee ni katamaroa, man te koora ae raneanea ae ti teuana ae e tia n amanaki.

Itaia 57:15

E maiu n aki toki Atuara n taiani karawa, ao aei ana taeka: Ngke I maeka n ae e rietaata i eta n te tabo ae e tabu, ma I bon mena naba ikai b'a N na buokiia aika nanorinano aika a ti mwiokoai.

Itaia 66:2

I a tia ni karaoi b'aai nako; ao anne aron rikiia ni kabane. Bon aei au taeka Ngai ae te UEA. Aomata ae I kawakinia riki bon aika nanorinano are a mena aia mwioko irou ao a ruru ngkana I taetae.

Etekiera 9:6

Tiringiia unim'aane, rorobuaka, ateiaine, tiina, ao ataei. Ma kam na aki kumeia aomata aika iai te kanikina i aon ram'aia. Ao kawaekoaia n tiringiia taani kairiiri ake a tei ikekei.”

Amota 5:21

E taku te UEA, I ribaai ami botaki n taromauri; I bon aki kan tarai!

Mataio 5:3

A a kab'aia akana nanorinano, b'a aia b'ai Uean te Atua.

Mareko 12:33

ao tangirana ma te nano ni kabanea, ma te wanawana ni kabanea, ma te korakora ni kabanea, ao tangiraia aomata n ai aron tangiran temanna i bon i rouna, a rangi ni moamoa riki nakoni karea ni kabane ake a katauaki i bukin te kabuekaki ao nakoni karea nako.”

Ruka 15:10

I taku nako imi, “B'a ai arona naba b'a e na iai te kim'areirei irouia ana anera te Atua i bukin te aomata ae buakaka ae ti temanna ae raira nanona.”

I-Rom 12:1

Ma ngaia aei, taari, i bukin aron te Atua n nanoanga ae bati, ao I bubutingkami b'a kam na angan te Atua rab'atami b'a te karea ae maiu ae itiaki, ae E na kukurei iai; b'a aei aromi ae riai ae E kaantaningaia te Atua b'a kam na anganna.

I-Biribi 4:18

Ma a reke b'aai ni kabane i rou, ao a kabatiaki riki au b'ai. A bane n reke i rou baika I kainanoi ngkai a reke i rou b'aai aika e uoti Ebaberorito mai roumi. A riki b'a kanga ai aron te boi ae boiarara ae te karea ae tangiraki, ae E kukurei te Atua iai.

Ebera 13:16

Ao kam na tai m'aninga te kakaraoa ae raoiroi ma te i buokanib'ai; b'a aikai karea aika E kukurei iai te Atua.

1.Betero 2:5

Ao ngkami naba kanga ai aron atibu aika maiu aika kabonganaki i bukini katean te Tembora n tamnei, ike kam na m'akuri iai b'a ibonga aika ana aomata te Atua, n anga karea n tamnei iroun Iesu Kristo.