Taian Areru 51:16 - Te B'aib'ara

¹⁶ Ko aki tangira te karea; ngkana tao Ko tangiria ao I a anganiko; Ko aki kukurei n te karea ae kabuokaki.

Taian Areru 51:16 ပူးပေါင်းရင်းမြစ်များ

2.Tamuera 12:9

E aera ngkai ko aki ongotaeka irou ao ko karaoa te b'ai ae rangi ni kakamaaku? Ko tiringa Uria are kaain Eta ngke ko anga b'a e na tiringaki irouia kaain Ammon, b'a ko aonga ni konaa n anaa buuna.

Taian Areru 40:6

Ko aki tangiri karea ma angakarea; Ko aki tua maan aika ana kabuokaki ni kab'aninaki i aon te baonikarea ke karea i bukin kab'araan buure; Ma Ko anganai te kona n ongo am Taeka, ao n ongeaba nako iai,

Taian Areru 50:8

I aki boaingkami i bukin ami karea ma ami karea ni kabuokaki ake a aki toki ni mena i matau.

Taian Areru 51:6

Ko tangira te nano ae b'ab'aina te eti ma te koaua; Kaonai ni wanawanam.

Taian Areru 71:15

N na aki toki n tataekin taekani baika raraoi ake Ko a tia ni karaoi, ma taekani kamaiuaia am Aomata iroum, e ngae ngke e ri aon au atatai.

Te Otinako 21:14

Ao ngkana arona b'a kam a kaman iaiangoa tiringan te aomata temanna, ao bon akea maiumi, kam aki maiu naba ngkana arona b'a kam nimta te baonikarea. Kam na katikitikaki nako ma n tiringaki.

Taeka n Rabakau 15:8

E aki kukurei te UEA n aia b'aintangira aomata aika a buakaka, ma e kakukureiaki ngkana a tataro ana aomata.

Taeka n Rabakau 21:27

E aki tabeakin aia angab'ai aomata aika a buakaka ma aia iango aika a buakaka te UEA.

Ieremia 7:27

Ieremia, e ngae ngkana tao tera ae ko karaoia, ma a na bon aki ongo naba aomata.

Otea 6:6

I tangiria b'a kam na kakaonimaki ma n ataai nakon ae kam na anga taian karea.

Warekaia Iteraera 15:27

Ma ngkana iai temanna i buakomi ae karaoa te bure n tiaki nanona, ao e na kareana te kooti aine ae teuana ana ririki ni maiu b'a te karea ni kab'arabure.

Warekaia Iteraera 35:31

Kam na aki anga te m'ane b'a kam aonga n aki katuaaeaki n tiringaki; e na bon kabooaki ni maiumi!

Te Tua-Kaua 22:22

Kaain Iteraera, ngkana e reke te m'aane temanna ni wenenibure ma buun temanna, ao kam na tiringiia ni kauoman. B'a ngkana kam karaoa anne, ao kam bon kamaunanakoa iai te m'akuri ae buakaka ae a tia ni karaoia i nanon Iteraera.

1.Tamuera 15:22

Ao e taku Tamuera, “Ko na tuangai. E bon kukurei te UEA n taiani karea ma taian angab'ai? E aki! E bon aki tangira am karea. E tangiriko b'a ko na ongotaeka i Rouna.