Taian Areru 51:13 - Te B'aib'ara

¹³ N na reireiniia taani bure am Tua, Ao a na rairaki nakoim.

Taian Areru 51:13 ပူးပေါင်းရင်းမြစ်များ

2.Uea 17:18

E a rangi ni maraki nanon te UEA irouia Iteraera, ma ngaia are, E a kariaia b'a a na uotaki nako b'a taenikai. Bon ti aomata ake a maeka i Iuta aika a tiku,

2.Uea 17:20

Ma ngaia are, E a tannako te UEA mairouia Iteraera ma Iuta ni kabaneia, ao e karikiia b'a a na katuaaeaki ma ni kookonaaki ni karokoa bon akea temanna nikiraia.

2.Uea 17:23

ni karokoa te tai are E katuaaia iai te UEA, n aron are E a tia ni kauring iai rinanoia ana toro ake burabeti. Ao bon anne bukina are a uotaki nako iai Iteraera b'a taenikai i Aturia, ao ikanne ike a tiku iai.

Taian Areru 19:7

Moan te raoiroi ana Tua te UEA; E karika te maiu ae boou. E teimatoa n aki totoki ana taeka n reirei te UEA; E kawanawana ane e roo nanona.

Taian Areru 22:27

A na bane botannaomata nako i aonnaba n ururinga te UEA; A na bane botannaomata n rairaki nakoina n taromauria.

Taian Areru 25:4

Te UEA, Ko na kaoti arom nako iu; Ko na reireiai kawaim nako.

Taian Areru 25:8

I bukina b'a E raoiroi te UEA, ao E eti; E reireiia taani bure te kawai ae a riai n iria.

Taian Areru 32:5

I kaoti au bure nakoim, Ao I aki karabai au kairua; I kataua te kaoti taekaia nakoim, ao Ko kab'arai au bure ni kabane.

Itaia 2:3

A na m'aiti aomata ake a na roko ao a na kaangai, “Ti a nakon ana Maunga te UEA ae Atuan Iakob'a ma n taromauri n ana Tembora.” E na reireiniira te UEA ana Tua mai Ierutarem, ao ti na ongotaeka i rouna.

Itaia 6:10

“Karaoaia aomata aikai b'a a na taningabono! bonoti taningaia, rabun mataia, karaoaia b'a a na aki ataa te b'ai teuana. Tai katanimaia nako iu b'a a na kamaiuaki.”

Ieremia 31:18

A tangi nako iu Iteraera ao a taku, “Ti te bo ngaira ma taiani kao, ma Ko uruira Ngkoe ae te UEA, ao reireiniira aron te ongotaeka. Bon Atuara Ngkoe taiaoka kaokiira nakon mwengara.

Mataio 18:3

ao E taku: E koaua ae I a tuangngkami, b'a ngkana kam aki bitii aromi ao kam aki katotoong aroia ataei, ao kam na bon aki kona n rin n Uean te Atua.

Ruka 22:32

Ma I a tia n tataro i bukim b'a e na aki bua am onimaki; ao ngkana ko a manga rairaki, ao ko na kateimatoaia tarim.”

M'akuri 13:10

Ngkoe ae natin te riaboro, ae ko on n te uarao ni kabanea ma aaro ni babakanikawai ni kabanea, ae ana kairiribai te raoiroi ni kabanea, ko aki kona n toki man arom ae te atong koaua mairoun te Atua b'a keewe?

M'akuri 15:3

Ma ngaia are, ngke a kanakoaki iroun te ekaretia, ao a ri nuukani Boinike ma Taamaria, ni karakin taekan rairan nanoia aomata ake tiaki I-Iutaia; a rangi ni kim'areirei taari i rouia ngke a ongo arei.

M'akuri 3:19

Ma ngaia ae kam na raraoma, ao rairi nanomi b'a a aonga ni kamaunaki ami bure,